စစ်ခေါင်းဆောင် မင်းအောင်လှိုင်သည် အာဏာရမ္မက်တွင် လောင်မြိုက်နေပြီဖြစ်ပြီး၊ ထိုရမ္မက် အားပြင်းပြင်း လောင်ကျွမ်းစေရန် လောင်စာများကိုသာ ထပ်ခါတလဲလဲ ရှာဖွေနေပြီ ဖြစ်သည်။ “ပြည်သူ့လုံခြုံရေးစနစ်” သည် ၎င်း၏အာဏာရမ္မက်ကို အစွမ်းကုန်လောင်မြိုက်ရန် လုပ်ဆောင်နေခြင်း ဖြစ်သည်။ ပြည်သူ့လုံခြုံရေးစနစ်ဆိုသည်မှာ လွတ်လပ်ရေးရချိန်ကတည်းက ပေါ်ပေါက်ခဲ့သော ပြည်တွင်းစစ်တစ်လျှောက်လုံး စစ်တပ်ကျင့်သုံးခဲ့သော “သောင်းကျန်းသူနှိမ်နင်းရေး ပြည်သူ့စစ်မဟာဗျူဟာ” ဆိုသည့် အတွေးအခေါ်နှင့် နည်းလမ်းများမှ ဆင်းသက်လာခြင်းလည်း ဖြစ်သည်။ နိုင်ငံအနှံ့ မြို့ရွာများအားလုံးတွင် ပြည်သူအချင်းချင်း ပိုမိုသွေးချောင်းစီး သတ်ဖြတ်ရမည့် မင်းအောင်လှိုင်၏ ထိုအစီအမံကို ပြည်သူများက နည်းလမ်းပေါင်းစုံဖြင့် ဟန့်တားရိုက်ချိုးပစ်ရန် အရေးကြီးသော အချိန်ရောက်လာပြီ ဖြစ်သည်။ သတင်းသုံးသပ်ချက် – သုတဇော် တင်ဆက် – မြတ်ကြီး
