တပ်ထောက်ခံသူတွေနဲ့ အမျိုးသားရေးအစွန်းရောက်ဝါဒီတွေဟာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် ဦးဆောင်တဲ့ စစ်တပ်ရဲ့စီစဉ်မှုနဲ့ တရုတ်ဆန့်ကျင်ရေးလှုပ်ရှားမှုတွေကို နေပြည်တော်နဲ့ ရန်ကုန်မြို့လယ်ကောင်မှာ ဩဂုတ်လ ၆ ရက်နေ့က တစ်ပြိုင်တည်း လုပ်ခဲ့ကြပါတယ်။ ဆန္ဒပြသူတွေက ‘တရုတ်’ ဆိုတဲ့ စကားလုံးကို ပေါ်ပေါ်ထင်ထင်သုံးစွဲပြီး အော်ဟစ်ကြွေးကြော်ခဲ့ကြပါတယ်။ ရှမ်းမြောက် လားရှိုးမြို့အခြေစိုက် အရှေ့မြောက်တိုင်းစစ်ဌာနချုပ် အပါအဝင် တပ်စခန်းအများအပြားကို ကိုးကန့်တိုင်းရင်းသားတပ် MNDDA လက်ထဲ မကြာခင်ရက်ပိုင်းက ဆုံးရှုံးခဲ့ရတဲ့ အခြေအနေဟာ တရုတ်နိုင်ငံရဲ့ ပယောဂမကင်းကြောင်း သြဂုတ်လ ၅ ရက်နေ့က စစ်ခေါင်းဆောင် မိန့်ခွန်းထွက်ပြောပြီးတဲ့ နောက်တစ်ရက်မှာ ဆန္ဒပြပွဲတွေကို အချိန်ကိုက် ကျင်းပခဲ့တာပါ။ သတင်း၊ တင်ဆက် – မြတ်ကြီး
