ပတ္တမြားမြေဟု အမည်ကျော်သည့် မန္တလေးတိုင်း၊ မိုးကုတ်မြို့ကို အပြီးသတ်သိမ်းပိုက်နိုင်ခဲ့သည့် တော်လှန်ရေးပူးပေါင်းတပ်ဖွဲ့များကို မြို့ခံလူထုက သောင်းသောင်းဖြဖြ ကြိုဆိုနေကြသည်။ တအာင်းအမျိုးသားလွတ်မြောက်ရေးတပ်မတော် TNLA ၏ ယနေ့ (ဇူလိုင် ၂၄) ထုတ်ပြန်ချက်တွင် မိုးကုတ်မြို့ရှိ စစ်ကောင်စီတပ်စခန်းအားလုံးကို ယနေ့ အပြီးသတ်တိုက်ခိုက်သိမ်းပိုက်နိုင်ခဲ့သည်ဟု ဖော်ပြသည်။ TNLA ဦးဆောင်သော မဟာမိတ်ပူးပေါင်းတပ်များက ဇွန်လ ၂၅ ရက်နေ့တွင် မိုးကုတ်မြို့သိမ်းစစ်ဆင်ရေး စတင်ပြီးနောက် ၁ လအကြာတွင် မြို့နယ်တစ်ခုလုံးကို သိမ်းပိုက်ရရှိသွားခြင်းဖြစ်သည်။ မြို့အတွင်း ဝင်ရောက်လာသော တော်လှန်ရေးပူးပေါင်းတပ်ဖွဲ့ဝင်များကို ဒေသခံလူထုက သပြေပန်းများဖြင့် ကြိုဆိုနေကြသည်ကို ယခုရုပ်သံထဲတွင် တွေ့ရသည်။ တည်းဖြတ် – စထွန်းအောင်
