“တကယ့်ကို ရည်ရွယ်ချက်ရှိရှိ တိုက်ခိုက်ခဲ့တာ” – ဆက်သွယ်မေးမြန်းချက်

ကယား (ကရင်နီ) ပြည်နယ်၊ ဒီးမော့ဆိုမြို့နယ်အနောက်ခြမ်း ဒေါဆီအီးကျေးရွာနှင့် အနီးဝန်းကျင်ရှိ လွိုင်နန်းဖကျေးရွာတို့တွင် ရှိသော စာသင်ကျောင်းနှစ်ကျောင်းကို ပစ်မှတ်ထားကာ စစ်ကောင်စီလေတပ်က ယမန်နေ့ (ဖေဖော်ဝါရီ ၅) နံနက်ပိုင်းတွင် ဗုံးကြဲတိုက်ခိုက်ခဲ့သည်။ ဒေါဆီအီးရွာ စာသင်ကျောင်းတွင် တက်ရောက်နေသည့် အသက် ၁၁ နှစ်မှ ၁၄ နှစ်အရွယ်ရှိ ကလေး ၄ ဦး သေဆုံးပြီး မူကြိုအရွယ် ကလေးတစ်ဦးအပါအဝင် ၁၄ ဦးထက်မနည်း ထိခိုက်ဒဏ်ရာရခဲ့သည်။ ထို့ပြင် လွိုင်နန်းဖရွာ လေကြောင်းတိုက်ခိုက်ခံရမှုတွင် အသက် ၄၀ အရွယ် ဒေသခံ အမျိုးသားတစ်ဦး သေဆုံးပြီး ထိခိုက်ဒဏ်ရာရသူများလည်း ရှိခဲ့သည်။ ဒေါဆီအီး ရွာကျောင်းဗုံးကြဲခံရမှုတွင် သေဆုံးသူများမှာ ၆ တန်းကျောင်းသားများဖြစ်သော ခွန်းအယ်လတ (၁၄ နှစ်) နှင့် အယ်ဒိုထူး (၁၄ နှစ်)၊ ၇ တန်းကျောင်းသား ခွန်းဆန်းလှိုင် (၁၅ နှစ်)၊ ၄ တန်းကျောင်းသား ခရစ္စတိုဖာ (၁၃ နှစ်) တို့ ဖြစ်ကြသည်။ အဆိုပါ စာသင်ကျောင်းမှာ မူကြိုအရွယ်ကလေးမှ ကိုးတန်းအထိ ကျောင်းသားကျောင်းသူ ၂၀၀ နီးပါး တက်ရောက်သင်ကြားသော အဆောင်နှစ်ဆောင်ရှိ ကျောင်းဖြစ်ကာ အဆောင်နှစ်ခုအကြား ဗုံးကျရောက်ပေါက်ကွဲခဲ့ခြင်းဖြစ်သည်။ အဆိုပါ လေကြောင်းတိုက်ခိုက်မှုများပြုလုပ်ချိန် ဖြစ်ပွားရာနေရာအနီး ရှိနေခဲ့သည့် ကရင်နီလူ့အခွင့်အရေးအဖွဲ့ (Karenni Human Right Group) ဦးဆောင်သူ ဦးဗညားကို Myanmar Now က ဆက်သွယ်မေးမြန်းထားသည်။ မေးမြန်း – လင်းထင်