တရုတ်-မြန်မာနယ်စပ်၊ မူဆယ်ခရိုင်ထဲက နမ့်ခမ်းမြို့တွင်းနေရာအနှံ့မှာ တအာင်းအမျိုးသားလွတ်မြောက်ရေးတပ် TNLA စစ်သားတွေ အပြည့်နေရာယူထားကြပါတယ်။ အခုဆိုရင် လုံခြုံရေးအပြင် မနေ့ နိုဝင်ဘာ ၁၅ ရက်နေ့က စတင်ပြီး TNLA တပ်ဖွဲ့ဝင်တွေနဲ့ ဒေသခံတွေနဲ့ ပူးပေါင်းပြီး မြို့သန့်ရှင်းရေးအတွက် အမှိုက်သိမ်းနေကြတာကိုလည်း တွေ့ရပါတယ်။ ၁၀၂၇ စစ်ဆင်ရေး ရက်သတ္တပတ် ၃ ပတ်အတွင်းမှာ အနည်းဆုံး မြို့ကြီး ၉ မြို့ကို တော်လှန်ရေးမဟာမိတ်ပူးပေါင်းတပ်ဖွဲ့တွေက သိမ်းပိုက်ထားနိုင်ပါပြီ။ အာဏာသိမ်းစစ်တပ် လက်လွှတ်လိုက်ရတဲ့ မြို့တွေကတော့ ရှမ်းပြည်နယ်မြောက်ပိုင်းမှာ ချင်းရွှေဟော်၊ ပန်ဆိုင်း၊ မုန်းကိုး၊ နမ့်ခမ်း၊ သိန္နီနဲ့ ကွမ်းလုံမြို့၊ စစ်ကိုင်းတိုင်းထဲက ကောလင်းနဲ့ ခမ်းပတ်မြို့၊ ချင်းပြည်နယ်က ရိဒ်ခေါဒါရ်မြို့တို့ပဲ ဖြစ်ပါတယ်။
ရိုက်ကူး၊ တင်ဆက် – မြတ်ပန်း၊ စထွန်းအောင်
