ကရင်နီတော်လှန်ရေးပူးပေါင်းတပ်ဖွဲ့များ မြို့သိမ်းတိုက်ပွဲ ဆင်နွှဲနေသည့် ကယား (ကရင်နီ) ပြည်နယ်၊ လွိုင်ကော်တွင် တိုက်ပွဲများအကြား ပိတ်မိနေသည့် အရပ်သားများကို မြို့ခံကယ်ဆယ်ရေးအဖွဲ့နှင့် တော်လှန်ရေးတပ်ဖွဲ့မှ ကယ်ဆယ်ရေးသမားများက အရေးပေါ် ရွှေ့ပြောင်းပေးနေသည်။ နိုဝင်ဘာ ၁၁ ရက်နေ့က စတင်သည့် မြို့သိမ်းတိုက်ပွဲအတွင်း အာဏာသိမ်းစစ်တပ်၏ လက်နက်ကြီးနှင့် လေကြောင်းတိုက်ခိုက်မှုကြောင့် အရပ်သား ၁၅ ဦးထက်မနည်း သေဆုံးခဲ့ကြောင်း နောက်ဆုံးရရှိထားသည့် စာရင်းများအရ သိရသည်။ နိုဝင်ဘာ ၁၅ အထိ လွိုင်ကော်မြို့ကို တော်လှန်ရေးတပ်ဖွဲ့က အလုံးစုံ သိမ်းပိုက်နိုင်ခြင်း မရှိသေးသော်လည်း လွိုင်ကော်တက္ကသိုလ်ဝင်းအတွင်း တပ်စွဲထားသော စစ်သား ၃၀ ကျော် လက်နက်ချ ပူးပေါင်းခဲ့ကြောင်း ကရင်နီအမျိုးသားများကာကွယ်ရေးတပ် KNDF က ဓာတ်ပုံ၊ ရုပ်သံနှင့်တကွ ယနေ့ ထုတ်ပြန်ထားသည်။
ရိုက်ကူး၊ တင်ဆက် – အက်စတာဂျေ၊ ဟန်သစ်
လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/registe… လှူဒါန်းနိုင်ပါသည်။
