စစ်အာဏာသိမ်းပြီးတဲ့ ၂ နှစ်ကျော်အတွင်း ရှမ်းပြည်နယ်မြောက်ပိုင်းမှာ တစ်ကျော့ပြန်တိုက်ပွဲတွေ ပြန်လည်ပြင်းထန်လာပါတယ်။ ကွတ်ခိုင်၊ လားရှိုး၊ ကျောက်မဲနဲ့ အထူးသဖြင့် မူဆယ်မြို့နယ်အတွင်းမှာ စစ်ကောင်စီတပ်နဲ့ တအာင်းအမျိုးသားလွတ်မြောက်ရေးတပ် (TNLA) တို့အကြား အခုနှစ် ဇူလိုင်လနဲ့ ဩဂုတ်လအတွင်း တိုက်ပွဲတွေ ပိုမိုပြင်းထန်လာတာပါ။ စစ်ကောင်စီရဲ့ ထိုးစစ်ကြောင့် တစ်ကျော့ပြန်တိုက်ပွဲတွေ ပြင်းထန်လာတာဖြစ်ပြီး ခုခံတိုက်ခိုက်ဖို့ ပြင်ဆင်ထားတယ်လို့ TNLA ဘက်က ပြောပါတယ်။ တစ်ဖက်မှာလည်း TNLA တပ်ဖွဲ့ဝင် ၁၆ ဦးကို လွတ်ငြိမ်းချမ်းသာခွင့်နဲ့ ပြန်လွှတ်ပေးတယ်ဆိုပြီး အခုလ ၁ ရက်မှာ စစ်ကောင်စီဘက်က ကြေညာထားပါတယ်။ တပ်ဖွဲ့ဝင်တချို့ကို လွှတ်ပေးပြီး တစ်ဖက်မှာကျ ထိုးစစ်ဆင်နေတဲ့ စစ်ကောင်စီရဲ့ သဘောထားကို သတိကြီးကြီးနဲ့ စောင့်ကြည့်ရမယ်လို့လည်း TNLA ဘက်က ပြောပါတယ်။ စစ်အာဏာသိမ်းပြီးတဲ့နောက် ပြည်မက လူငယ်တွေကို စစ်ပညာသင်ကြားပေးတဲ့ တိုင်းရင်းသားလက်နက်ကိုင်တွေထဲမှာ TNLA လည်း အပါအဝင် ဖြစ်ပါတယ်။ အာဏာသိမ်းပြီး ပေါ်ပေါက်လာတဲ့ တော်လှန်ရေးတပ်ဖွဲ့တွေနဲ့ တိုင်းရင်းသားလက်နက်ကိုင်တပ်ဖွဲ့တွေကြားထဲ သွေးကွဲစေချင်နေတဲ့ စစ်ကောင်စီရဲ့ မီးစတစ်ဖက်၊ ရေမှုတ်တစ်ဖက် သဘောထားက ဘယ်လိုအဓိပ္ပာယ်ဆောင်ပါသလဲ။ ရှမ်းပြည်နယ်မြောက်ပိုင်းမှာ တိုက်ပွဲတွေကော ဘယ်လောက်အထိ ကျယ်ပြန့်လာနိုင်ပါသလဲ။ ဒီအခြေအနေတွေနဲ့ပတ်သက်လို့ TNLA ရဲ့ ပြောရေးဆိုခွင့်ရှိသူ ဒုတိယဗိုလ်မှူးကြီး တားအိုက်ကျော်ကို Myanmar Now က တွေ့ဆုံမေးမြန်းထားပါတယ်။
မေးမြန်း၊ တင်ဆက် – မြတ်ပန်း၊ စထွန်းအောင်
