ကိုဗစ်နိုင်တင်း ကာကွယ်ရေးအစီအမံများနှင့် အထည်ချုပ်လုပ်သားများ

ရန်ကုန်မြို့ရှိ စက်ရုံများကို ကိုဗစ်နိုင်တင်းကာကွယ်ရေးဆိုင်ရာ စည်းကမ်းသတ်မှတ်ချက်များနှင့် ကိုက်ညီပါက ပြန်လည်ဖွင့်လှစ်ခွင့်ပြုနေပြီး စက်ရုံတော်တော်များများ ပြန်လည်ဖွင့်လှစ်နေပြီဖြစ်သည်။ ကိုဗစ်နိုင်တင်းရောဂါ ပျံ့နှံ့ဖြစ်ပွားနေမှုကြောင့် စက်ရုံများပိတ်ထားရ၍ စက်ရုံများမှာ ပြည်ပအော်ဒါများအချိန်မီပေးနိုင်ခြင်း မရှိသလို လုပ်သားအများအပြားလည်းမှာလည်း လုပ်ခလစာအခက်အခဲများ ကြုံတွေ့ခဲ့ရသည်။

အစိုးရက စည်းကမ်းသတ်မှတ်ချက်နှင့် ကိုက်ညီသော စက်ရုံများကို ပြန်လည်ဖွင့်လှစ်ခွင့်ပေးသည် ဆိုသော်လည်း သတ်မှတ်ချက်များနှင့် အပြည့်အဝကိုက်ညီမှုမရှိဟု အလုပ်သမားများက ထောက်ပြကြသည်။ သို့သော် စက်ရုံများမှာ စတင်ဖွင့်လှစ်ခွင့်ရချိန်တွင် လိုအပ်ချက်များရှိသော်လည်း တဖြည်းဖြည်းပြည့်စုံရန် ပြင်ဆင်နေရကြောင်း စက်ရုံများဘက်က တုံ့ပြန်ပြောဆိုထားသည်။

သတ်မှတ်ချက်များနှင့်အညီ ပြန်လည်လုပ်ကိုင်ခွင့်ရသည့် အထည်ချုပ်လုပ်ငန်းများအနက်မှ ဓာတ်ပုံရိုက်ခွင့်ပြုခဲ့သည့် အင်းစိန်မြို့နယ်ရှိ Star Sandar အထည်ချုပ်စက်ရုံမှ မြင်ကွင်းများဖော်ပြလိုက်ပါသည်။