ဟားခါးမြို့မှ ၁၀ မိုင်ခန့်အကွာ ချွန်ကျုံးရွာအနီး ရောက်ရှိလာတဲ့ သံချပ်ကာ ၂ စီး ဦးဆောင်တဲ့အရပ်သား ကား အစီး ၃၀ ကျော်ပါယာဉ်တန်းကို ဧပြီ ၁၃ (သင်္ကြန်အကြိုနေ့) မှာ ချင်းကာကွယ်ရေးအဖွဲ့များက ဝင်ရောက် တိုက်ခိုက်ခဲ့လို့ သံချပ်ကား နှစ်စီး ပျက်စီးခဲ့ပါတယ် အဲဒီယာဉ်တန်းဟာ မတ်လ ၇ ရက်ကတည်းက စစ်ကိုင်းတိုင်း၊ ကလေးမြို့မှ ထွက်လာကာ ချင်းပြည်နယ်အတွင်း ဝင်ရောက်လာပြီး ဖလမ်း-ဟားခါးလမ်းအတိုင်း တက်လာစဉ် လမ်းတစ်လျှောက် ကြားဖြတ်တိုက်ခိုက်ခံနေရတာပါ။
ယာဉ်တန်းတစ်ခုလုံးနီးပါးပျက်စီးသွားတဲ့အတွက် လိုက်ပါလာသော စစ်ကောင်စီတပ်ဖွဲ့ဝင်တွေက ချွန်ကျုံးရွာ နဲ့ ဘုရားကျောင်းအတွင်း တပ်စွဲထားလိုက်ပြီး တိုက်ပွဲများ ဆက်တိုက်ဖြစ်ပွားနေပါတယ်။ စစ်ကောင်စီတပ်ဖွဲ့ဝင် ဆယ်နှင့်ချီ သေဆုံးကြောင်း သိရသလို ချင်းဒေသကာကွယ်ရေးပူးပေါင်းအဖွဲ့ဘက်မှ ၉ ဦး သေဆုံးပြီး ၇ ဦး ထက်မနည်း ထိခိုက်ဒဏ်ရာရရှိထားပါတယ်
