“ငြိမ်းချမ်းရေးနဲ့ တပ်မတော် လွှတ်တော်ထဲရောက်နေတာ ဘာဆိုင်လဲ”ဟူသည့် စကားရပ်ပယ်ဖျက်ခံရ

‘သိပ်လွန်လာရင် ဥပဒေအရ တရားစွဲဆိုခံရနိုင်တယ်’ ဟုပင် ပြည်ထောင်စုလွှတ်တော်နာယက ဦးတီခွန်မြတ်က သတိပေးခဲ့ရသည့် ယမန်နေ့ အခြေခံဥပဒေပြင်ဆင်ရေးဆွေးနွေးမှုများအနက် ခုနစ်ဦး၏ ပြောစကားအချို့ကို မှတ်တမ်းမှ ပယ်ဖျက်လိုက်သည်။

ဖေဖော်ဝါရီ ၂၇ ရက်တွင် ဆွေးနွေးခဲ့သူများအနက် ရွေးကောက်ခံအမတ် ၅ဦး၊ တပ်မတော်သား ၂ဦးတို့၏ ဆွေးနွေးချက်အချို့မှာ ဥပဒေနှင့်မညီကြောင်း ပြည်ထောင်စုလွှတ်တော်နာယကက ယနေ့ ကြေညာလိုက်ခြင်းဖြစ်သည်။