“စိတ်ထဲမကောင်းဘူးဗျာ။ ဘယ်သူမှ သွားတွေ့လို့ရတယ်လို့ လာမပြောဘူး။ အခုအချိန်ထိ သေတယ်မထင်သေးဘူး”- ကိုလှမျိုးအောင်၏ ဖခင်
စစ်ကောင်စီက သေဒဏ်စီရင်လိုက်သည့် လေးဦးအနက် လှိုင်သာယာမြို့နယ်မှ ကိုလှမျိုးအောင်သည် မိသားစုနှင့် နောက်ဆုံးအကြိမ်ပင် တွေ့ဆုံခွင့် မရခဲ့ကြောင်း အသက် ၇၄နှစ်အရွယ် ဖခင်ဖြစ်သူ ဦးမြလှိုင်က ပြောသည်။
သေဒဏ်စီရင်ခြင်း မပြုရန် နိုင်ငံတကာ၏ အပူတပြင်းတောင်းဆိုတိုက်တွန်းမှုများ ရှိလင့်ကစား ထင်ရှားသည့် နိုင်ငံရေးသမား ဦးဂျင်မီ၊ လွှတ်တော်အမတ်ဟောင်း ဦးဖြိုးဇေယျာသော်၊ ကိုလှမျိုးအောင်နှင့် ကိုအောင်သူရဇော်တို့ လေးဦးကို အာဏာသိမ်းစစ်တပ်က တိတ်တဆိတ် ကွပ်မျက်ခဲ့သည်။
[youtube https://youtu.be/7U8b6tYIUsY]
