အိန်ဂျယ်လစ်မိုးသည် လုပ်သက် ၅ နှစ်ရှိသည့် မူလတန်းပြကျောင်းဆရာမတစ်ဦးဖြစ်ပြီး စစ်တပ်အာဏာသိမ်းပြီးနောက် အာဏာဖီဆန်ရေးလှုပ်ရှားမှု CDM တွင် ပါဝင်ခဲ့ကာ ၂၀၂၁ခုနှစ်၊ ၁၀လပိုင်းတွင် KNDF ၌ အရံတပ်သားတစ်ဦးအနေဖြင့် ရုံးပိုင်းဆိုင်ရာလုပ်ငန်းများ ပါဝင်ကူညီရင်း တော်လှန်ရေးတွင် ထဲထဲဝင်ဝင် ပါဝင်လာခဲ့ပါသည်။
ထို့နောက် စစ်ကောင်စီ၏ အကြမ်းဖက်လုပ်ရပ်များ အမြန်ဆုံးအဆုံးသတ်နိုင်ရန်အတွက် ကိုယ်တိုင်လက်နက်ကိုင်ပြီး အမျိုးသားများနှင့်တန်းတူ ရှေ့တန်းစစ်မြေပြင်အထိ တိုက်ပွဲဝင်ရန် ဆုံးဖြတ်ခဲ့သည်။
KNDF တပ်ရင်း ၅ ၏ အမျိုးသမီးအထူးတပ်ဖွဲ့ကို အင်အား ၆၀ ကျော်ဖြင့် ပြီးခဲ့သည့် မေလကုန်ပိုင်းတွင် ပထမဆုံး ဖွဲ့စည်းလိုက်ပြီး အိန်ဂျယ်လစ်မိုးသည် တပ်ခွဲမှူးအဖြစ်တာဝန်ထမ်းဆောင်လျက်ရှိသည်။
(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)
