သုသာန်တစပြင်လို ရုတ်ချည်းပြောင်းလဲသွားတဲ့ ဘုန်းကြီးကျောင်းထဲက ရင်နင့်ဖွယ်ဖြစ်ရပ်
အနည်းဆုံး လူ ၁၆ ဦး သေဆုံးပြီး ၃၀ ဝန်းကျင် ထိခိုက်ဒဏ်ရာရခဲ့တဲ့ လေကြောင်းတိုက်ခိုက်ခံရမှုမှာ အသက်ဘေးကနေ သီသီလေးလွတ်မြောက်ခဲ့တဲ့ ၃ ဦး ရှိခဲ့ပါတယ်။ သုသာန်တစပြင်လို ရုတ်ချည်းပြောင်းလဲသွားတဲ့ ဘုန်းကြီးကျောင်းထဲက ရင့်နင့်ဖွယ်အဖြစ်အပျက်ကို အသက်ဘေးကနေ လွတ်မြောက်ခဲ့သူတွေထဲက တစ်ဦးက Myanmar Now ကို ပြောပြထားပါတယ်။ မကွေးတိုင်း၊ ဆောမြို့နယ်ထဲက အကြည်ပန်းပလွန်းရွာဘုန်းကြီးကျောင်းမှာ တော်လှန်ရေးအဖွဲ့တွေနဲ့ ဒေသခံတွေ အစည်းအဝေးလုပ်နေချိန် မေလ ၉ ရက်၊ မနက်ပိုင်းမှာ စစ်တပ်က ဗုံးကြဲတိုက်ခိုက်ခဲ့တာပါ။ သေဆုံးသူတွေထဲမှာ အသက် ၁၂ နှစ်အရွယ် ကလေးငယ်တစ်ဦး ပါဝင်ပါတယ်။ သေဆုံးသူတွေထဲကမှ နာမည်နဲ့တကွ အတည်ပြုလို့ရတဲ့ ၁၅ ဦးကတော့ (၁) မောင်ဖြိုးညီ (အသက် ၁၂ နှစ်) (၂) မပြုံးကြည် (မောင်ဖြိုးညီ၏ မိခင်) (၃) ကိုအာကာဖြိုး (၄) ဦးကျော်နိုင်ဝင်း (၅) ဒေါ်ပြုံးပြုံးသီ (၆) ဦးကျော်ကိုဦး (၇) ဦးဇော်လင်းဦး (၈) ဒေါ်ချိုမာဝင်း (၉) ဦးငဗွေ (၁၀) ဦးလှမြတ်ဆွေ (၁၁) ဒေါ်တိုးကြည် (၁၂) ဒေါ်ခင်ချိုဝင်း (၁၃) ဦးထွန်းထွန်းအောင် (၁၄) ဒေါ်အိချို (၁၅) ဒေါ်မိညိုတို့ ဖြစ်ကြပါတယ်။
