တပ်မတော်က ပုဒ်မ ၅၀၅ (က)နဲ့ တရားစွဲဆိုထားတဲ့ ဒေါင်းတို့မျိုးဆက်သံချပ် အဖွဲ့ဝင် ၅ ဦးကို ဒီကနေ့ ဧပြီလ ၂၂ ရက်မှာ မရမ်းကုန်းမြို့နယ်တရားရုံးကနေ အာမခံမပေးဘဲ အင်းစိန်ထောင်ကို ပို့လိုက်ပါတယ်။
လာမယ့် ၂၉ ရက်နေ့မှာ ရုံးချိန်း ပြန်လည်ချိန်းဆိုထားတာပါ။
သံချပ်ဦးဆောင်သူ ၅ ဦးဖြစ်တဲ့ ကိုဇေယျာလွင်၊ ကိုပိုင်ရဲသူ၊ မကေခိုင်ထွန်း၊ ဒီရေ(ခေါ်) ကိုပိုင်ဖြိုးမင်းနဲ့ ဖိုးသား(ခေါ်) ကိုဇော်လင်းထွန်း တို့ကို တပ်မတော်က မရမ်းကုန်းရဲစခန်းမှာ ပုဒ်မ ၅၀၅ (က) တပ်မတော်ကို ဖြိုခွဲရန် ကြိုးပမ်းမှု နဲ့ အမှုဖွင့်ထားပါတယ်။
ဧပြီလ ၁၉ ရက်နေ့က မကေခိုင်ထွန်းကို မရမ်းကုန်းရဲစခန်းက ဖမ်းဆီးခဲ့ပြီး အာမခံနဲ့ ပြန်လွှတ်ပေးခဲ့ပါတယ်။
သင်္ကြန်ကာလအတွင်း ဖျော်ဖြေခဲ့တဲ့ “ဒေါင်းတို့မျိုးဆက်” သံချပ်အဖွဲ့ရဲ့စာသားတွေမှာ ၂၀၀၈ဖွဲ့စည်းပုံအခြေခံဥပဒေ ပြင်ဆင်ရေး၊ လွှတ်တော်အတွင်း တပ်မတော်သားကိုယ်စားလှယ်တွေ ပါဝင်နေတာကို ဆန့်ကျင်တာတွေ ပါဝင်ခဲ့တာဖြစ်ပါတယ်။
ရိုက်ကူး/တည်းဖြတ် – ကေဇွန်နွေး (Myanmar Now)
[youtube https://youtu.be/47WFRprDxoA]
