“ပြည်သူလူထုက ပူးပေါင်းပြီးဆောင်ရွက်ရင် နိုင်ကိုနိုင်မှာပါ” ရဲဘော် ခိုင်ခိုင်ထွန်း

ငယ်စဉ်ကတည်းက စစ်သားဖြစ်ချင်ခဲ့သူ ကိုခိုင်ခိုင်ထွန်းသည် အသက်မပြည့်မီကပင် စစ်ထဲဝင်ရောက်ဖို့ ကြိုးစားခဲ့ဖူးပြီး ၂၀၁၈ ခုနှစ်တွင် မကွေးစုဆောင်းရေးဌာနချုပ် (၃) မှတစ်ဆင့် စစ်ထဲရောက်ခဲ့ကာ ရခိုင်ပြည်နယ်တွင် တာဝန်ကျပြီး ရက္ခိုင့်တပ်တော် (AA) နှင့် ပြင်းထန်သော တိုက်ပွဲများတွင် ပါဝင်ခဲ့ဖူးသူလည်းဖြစ်သည်။

စစ်အာဏာသိမ်းပြီးနောက်ပိုင်း သူဂုဏ်ယူခဲ့ရသည့် စစ်သားဘဝသည် တစ်ဆစ်ချိုးပြောင်းသွားပြီးနောက် တပ်ကို စွန့်ခွာရန် ဆုံးဖြတ်ခဲ့ပြီး မကွေးတိုင်းနှင့် ချင်းပြည်နယ်အစပ် ယောဒေသတွင် အခြေစိုက်သည့် ယောဒေသပြည်သူ့ကာကွယ်ရေးတပ်ဖွဲ့ (YPDF) ထံတွင် ခိုလှုံခဲ့ကာ စစ်သားဘဝမှ ပြည်သူ့တော်လှန်ရေးတပ်သားအဖြစ် ခံယူပြီး စစ်ကောင်စီကို ပြန်တိုက်ရန် လေ့ကျင့်နေပြီဖြစ်သည်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)