ဝက်လက်မြို့နယ်၊ ရွာများကို စစ်ကောင်စီက လေကြောင်းဖြင့် တိုက်ခိုက်နေ

စစ်ကိုင်းတိုင်း၊ ဝက်လက်မြို့နယ်တွင် နေ့စဉ် တိုက်ပွဲဖြစ်နေပြီး ယနေ့ (ဒီဇင်ဘာ ၃) တွင် စစ်ရဟတ်ယာဉ်တစ်စီး ညောင်ပင်ကြီးတောကျေးရွာအနီး လှည့်ပတ်ပစ်ခတ်ခဲ့သည်ဟု မြို့နယ်ပြည်သူ့ကာကွယ်ရေးတပ်ဖွဲ့(PDF) ၏ တပ်ရင်း ၂ ပြန်ကြားရေးတာဝန်ရှိသူက ပြောသည်။

တပ်ချခြင်း၊ တိုက်ခိုက်ခြင်းအတွက် စစ်ရဟတ်ယာဉ်များ သုံးနေသော စစ်ကိုင်းတိုင်း၊ ဝက်လက်မြို့နယ်တွင် ကျေးလက်ဒေသခံအများအပြား စစ်ဘေးဒုက္ခသည်ဖြစ်နေသည်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)