ရေတပ်ရန်ကြောင့် ရွှေ့ပြောင်း ငါးဖမ်းနေကြရတဲ့ ရခိုင်ရေလုပ်သားတွေ

လက်ရှိမှာ အာရက္ခတပ်တော်(AA)က ရခိုင်ပြည်တစ်ခုလုံးနီးပါးကို သိမ်းပိုက်ထားပြီဆိုပေမဲ့ ပင်လယ်ပြင်တွေမှာ စစ်ကော်မရှင်ရေတပ်က သွားလာလှုပ်ရှားနေဆဲ ဖြစ်ပါတယ်။

တံငါလုပ်ငန်းနဲ့ အသက်မွေးတဲ့ ဒေသခံငါးဖမ်းလှေတွေကိုလည်း အလွတ်မပေးဘဲ ငွေညှစ်၊ ဖမ်းဆီးတာတွေ ရှိနေပါတယ်။ 

ပြီးခဲ့တဲ့ ဒီဇင်ဘာလ ၂၂ ရက်ကလည်း ပေါက်တောမြို့နယ်၊ ဆင်တက်မော် ကျေးရွာက ငါးဖမ်းစက်လှေ ၃စီးကို ရေတပ်က ဖမ်းဆီးထားတယ်လို့ ဒေသတွင်း သတင်းမီဒီယာတွေမှာ ဖော်ပြပါတယ်။ 

ဒီလိုအခြေအနေတွေကြောင့် ဒေသခံငါးဖမ်းသမားတွေဟာ ကမ်းဝေးမထွက်ရဲတော့ဘဲ ကမ်းအနီးမှာသာ ငါးဖမ်းနေကြရတယ်လို့ ဆိုပါတယ်။

အာဏာသိမ်းစစ်တပ်က ရခိုင်ပြည်နယ်ကို ကုန်းလမ်း၊ ရေလမ်း အကုန်လုံးပိတ်ဆို့ထားတာကြောင့် ကုန်စျေးနှုန်းတွေလည်း မြင့်တက်နေပါတယ်။ 

သား၊ ငါး၊ ပုစွန်တွေကိုလည်း အရင်ကလို ပြည်မထဲ မတင်ပို့နိုင်တော့တာကြောင့် ဈေးကွက်လည်း မရှိသလောက် ဖြစ်နေတယ်လို့ ဆိုပါတယ်။

ရိုက်ကူး၊ တင်ဆက် – ညီထွေး/ Myanmar Now

Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။