စစ်ကိုင်းတိုင်းနဲ့ မန္တလေးတိုင်းအစပ်မှာ စစ်တပ်က လေကြောင်းတိုက်ခိုက်မှု ၄ ရက်ဆက်တိုက်လုပ်တာကြောင့် ဒီဇင်ဘာ ၁၉ရက်နေ့အထိ အနည်းဆုံး ဒေသခံ ၇ယောက် သေဆုံးခဲ့တယ်လို့ ခင်ဦးမြို့နယ်ပြည်သူ့အုပ်ချုပ်ရေးအဖွဲ့ (ပအဖ) တာဝန်ခံက Myanmar Now ကို ပြောပါတယ်။
ဒီဇင်ဘာလ ၁၈ ရက်နေ့ မနက်ပိုင်းမှာလည်း စစ်ကိုင်းတိုင်း၊ ခင်ဦးမြို့နယ်က ရွှေဘို-မြစ်ကြီးနားလမ်းနဲ့ ခင်ဦးမြို့ အမှတ် (၃) လမ်းမကြီးတို့ကို ဆက်သွယ်ထားတဲ့ လမ်းဆုံနေရာကို တိုက်လေယာဉ် ၄စင်း၊ ဂျိုင်ရိုကော်ပတာ ၃စင်းနဲ့ ဗုံးကြဲတိုက်ခိုက်လို့ အသက် ၃၀ အရွယ် ကိုတေဇာအောင် သေဆုံးပြီး ၁၀ ယောက် ထိခိုက်ဒဏ်ရာရခဲ့တယ်လို့ ပြည်သူ့ကာကွယ်ရေးအဖွဲ့ နဲ့ ဒေသခံသတင်းရင်းမြစ်တွေက ပြောပါတယ်။
မန္တလေး- ရွှေဘို-မြစ်ကြီးနား ဗျူဟာလမ်းပိုင်းမှာ ယာဉ်ကြောပိတ်ဆို့နေတဲ့ ကားတန်းပေါ်ကို လေကြောင်းတိုက်ခိုက်ခဲ့တာ ဖြစ်ပြီး ပြည်သူတွေမှန်းသိလျက် ဦးတည်တိုက်ခိုက်တာလို့
ခင်ဦးမြို့နယ်ပြည်သူ့အုပ်ချုပ်ရေးအဖွဲ့ (ပအဖ) တာဝန်ခံက ဆိုပါတယ်။
သတင်း၊ တင်ဆက် – သဇင်လှိုင်၊ ရိုက်ကူး – မိုးဦး
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
