“ကျွန်တော်တို့ အညာသားတွေ နိုင်ငံရဲ့နေရာအနှံ့အသီးသီးမှာ တိုက်ပွဲဝင်ခဲ့တာတွေ အများကြီး”

၂၀၂၁ စစ်အာဏာသိမ်းပြီး ၅နှစ်ကျော်အတွင်းမှာ နိုင်ငံအလယ်ပိုင်း၊ အညာဒေသက စစ်အာဏာသိမ်းမှုကို ဆန့်ကျင်သူလူငယ်တွေက အညာဒေသမှာသာမက စစ်မျက်နှာအသီးသီးမှာပါဝင်ပြီး စစ်အာဏာရှင်ကို တော်လှန်တိုက်ပွဲဆင်နွှဲနေကြပါတယ်။ အခုဆိုရင်တော့ အညာဒေသက ပြန့်ကျဲနေတဲ့ တပ်ရင်းတွေကိုစုပေါင်းပြီး စစ်ကြောင်းတစ်ခုအနေနဲ့ စုဖွဲ့မှုတွေ စတင်လုပ်ဆောင်လာကြပါတယ်။ 

စစ်ကိုင်းတိုင်း၊ ယင်းမာပင်မြို့နယ်အတွင်း စစ်ရေးလှုပ်ရှားနေတဲ့ အမျိုးသားညီညွတ်ရေးအစိုးရ NUG ကာကွယ်ရေးဌာနကွပ်ကဲမှုအောက်မှာရှိတဲ့ တပ်ရင်းတွေစုပေါင်းပြီး ယင်းမာပင်မြို့နယ်စစ်ကြောင်း(YMB Column) တစ်ခုကို မကြာသေးခင်က ဖွဲ့စည်းလိုက်ပါတယ်။ 

ဒီစစ်ကြောင်းမှာ ကနဦးအနေနဲ့ ယင်းမာပင်ခရိုင် အမှတ် (၁+၂၆) တပ်ရင်း၊ ယင်းမာပင်ခရိုင် အမှတ် (၂၄) တပ်ရင်းနဲ့ ဗျူဟာ ၄၇ (ယင်းမာပင်ခရိုင် အမှတ် (၂၇+၃၅+၃၆) တပ်ရင်းတွေ ပါဝင်ပါတယ်။ 

“အမိန့်ကွပ်ကဲမှုတစ်ခုထဲကနေ စစ်ရေးဖော်ဆောင်နိုင်အောင် ကြိုးစားတည်ဆောက်နေတာ” လို့ YMB Column ရဲ့ ပြန်ကြားရေးတာဝန်ခံ ရဲဘော်ဗလ က ပြောပါတယ်။ 

မြို့နယ်အတွင်းက တပ်ရင်းတွေနဲ့ စုဖွဲ့လိုက်တဲ့ ဒီစစ်ကြောင်းဟာ စစ်ရေးဖော်ဆောင်မှုမှာ ဘယ်လိုအားသာချက်တွေရှိလာမလဲဆိုတာ မေးမြန်းထားပါတယ်။ 

Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။