အကျဉ်းထောင်ပေါင်း ၈၀ကျော်ရှိတဲ့ ထိုင်းနိုင်ငံမှာ အကြောင်းအမျိုးမျိုးနဲ့ အဖမ်းခံထားရတဲ့ မြန်မာရွှေ့ပြောင်းအလုပ်သမားတွေ အများအပြား ရှိနေပါတယ်။
၂၀၂၅ ဇန်နဝါရီလ ကနေ နိုဝင်ဘာ ၅ရက်နေ့အထိ ပြစ်ဒဏ်လွတ်ရက်စေ့ မြန်မာနိုင်ငံသား ၁၈၀၀ကျော်ကို ထိုင်းအာဏာပိုင်တွေက ထိုင်း-မြန်မာနယ်စပ် ရနောင်းမြို့ကတဆင့် မြန်မာအာဏာပိုင်တွေဆီ လွှဲပြောင်းပေးခဲ့တယ်လို့ ရနောင်းခရိုင်လူဝင်မှုကြီးကြပ်ရေး(လဝက) စာရင်းတွေအရ သိရပါတယ်။
သူတို့အားလုံးနီးပါးကို မြန်မာစစ်တပ်က အတင်းအဓမ္မ စစ်သားသစ်စုဆောင်းဖွယ်ရှိတယ်လို့ မြန်မာရွှေ့ပြောင်းသားလုပ်သားအရေးဆောင်ရွက်နေသူတွေက ပြောပါတယ်။ မြန်မာဘက် ပြန်ပို့ခံရတဲ့ ရွှေ့ပြောင်းလုပ်သားတွေကို စစ်တပ်က ရေလမ်းကနေ စစ်သင်တန်းကျောင်းပို့ဆောင်နေချိန် ထွက်ပြေးလွတ်မြောက်ခဲ့သူတွေလည်း ရှိပါတယ်။
ထိုင်းနိုင်ငံမှာ အဖမ်းခံရတဲ့ မြန်မာရွှေ့ပြောင်းလုပ်သားအများစုဟာ အောက်လမ်းလို့ခေါ်တဲ့ မှောင်ခိုလမ်းကြောင်းကနေ ဝင်ရောက်လာသူတွေများပါတယ်။ တရားမဝင်ရောက်လာပြီး ထိုင်းမှာအဖမ်းခံရရင် ဘယ်လိုပြစ်ဒဏ်တွေ ချမှတ်ခံရနိုင်ပါသလဲ။ ပြန်ပို့ခံရသူတွေရဲ့ နောက်ဆက်တွဲအခြေအနေနဲ့ တရားဝင်နေထိုင်ခွင့် ပန်းရောင်ကတ်ဒ် အသစ်လုပ်ပေးမယ့် ထိုင်းအစိုးရ အစီအစဉ်တွေနဲ့ ပတ်သက်ပြီး မြန်မာရွှေ့ပြောင်း အလုပ်သမားအရေး ဆောင်ရွက်နေသူ ဦးမိုးကြိုး နဲ့ ဆက်သွယ်မေးမြန်းထားပါတယ်။
ကိုလှိုင်း/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
