စစ်ဗိုလ်ချုပ်များက ငလျင်ကြောကြီးပေါ်တွင် မြို့တော်သစ် တည်ဆောက်ခဲ့သည်၊ နိုင်ငံကို အုပ်ချုပ်ရန် အရည်အချင်းမရှိ၊ ပြည်သူကို စေတနာမရှိကြကြောင်း ကပ်ဘေးကာလတွင် ပိုထင်ရှားလာသည်။
စီးပွားရေးထိုး၍ကျဆင်းနေခြင်းကို မည်သို့ကြံဆရမှန်းမသိသော မင်းအောင်လှိုင်သည် ဒေါ်အောင်ဆန်းစုကြည် အမျှော်အမြင်ရှိရှိ စီစဥ်ခဲ့သော သဘာဝဘေးအန္တရာယ်ကြုံတွေ့ ပါက အသင့်သုံးစွဲနိုင်ရန် ထူထောင်ခဲ့သော နိုင်ငံတော်ရန်ပုံငွေ ကျပ်ဘီလီယံ (၄၀၀) ကို စီးပွားရေးဖွံ့ဖြိုးရေး အတွက် သီးသန့်ရန်ပုံငွေအဖြစ် ပြောင်းလဲသုံးစွဲခဲ့သည်။
ယခုစစ်ကိုင်းငလျင်ကို နှဖူးတွေ့ဒူးတွေ့ကြုံရသည့်အခါ ကျပ်ဘီလီယံ (၄၀၀) သည် ဇီးသီးဗန်းမှောက် ပျောက်ဆုံးသွားသလို၊ ရဟတ်ယာဥ်ကိုလည်း ပြည်သူအပေါ် ဗုံးကြဲသည့် စစ်ဆင်ရေးများတွင် အသုံးချနေပုံရပါသည်။
မြန်မာသည် မင်းဆိုးမင်းညစ် “မင်းအောင်လှိုင် အလွန်” နိုင်ငံတော်သစ် တည်ဆောက်နိုင်မှသာ ပြည်သူများ အတွက် အနာဂတ်ရှိမည်ဖြစ်ပြီး၊ ပြည်သူများသည် ကိုယ့်ကံကြမ္မာ ကိုယ်ဖန်တီးယူမှသာ ရနိုင်မည်ဖြစ်ကြောင်း ဆောင်းပါးရှင် ‘သုတဇော်’ ၏ အတွေးအမြင်ဆောင်းပါးကို ဖော်ပြလိုက်ပါသည်။
တင်ဆက် – ဟန်လင်း
