လားရှိုးမြို့၊ အရှေ့မြောက်တိုင်းစစ်ဌာနချုပ် ဧရိယာအတွင်းရှိ ခုတင် ၁၀၀ ဆံ့ စစ်ဆေးရုံမှ စစ်ကောင်စီတပ်ဖွဲ့ဝင်များနှင့် ဆေးဝန်ထမ်း စုစုပေါင်းအင်အား ရာနှင့်ချီပြီး ကိုးကန့်တပ် MNDAA ထံ ယမန်နေ့က လက်နက်ချခဲ့ကြောင်း သိရှိရသည်။ အရှေ့မြောက်တိုင်းစစ်ဌာနချုပ် (ရမခ) စခန်းဝင်းကို ကိုးကန့်တပ် MNDAA နှင့် မဟာမိတ်များက အပြင်းအထန်ထိုးစစ်ဆင်နေခြင်းဖြစ်သည်။ ရမခအတွင်းရှိ စစ်ဆေးရုံကို ကိုးကန့်တပ်က ဝင်စီးနိုင်ခဲ့သော်လည်း လက်ကျန် စစ်ကောင်စီတပ်များနှင့် ဆက်လက်တိုက်ပွဲဖြစ်နေကြောင်း သိရှိရသည်။ ရခမတိုင်းရုံး၏ အချက်အချာဖြစ်သည့် ဗဟိုကင်းကို MNDAA နှင့် မဟာမိတ်တို့ ယမန်နေ့ နံနက်ပိုင်းတွင် ဝင်စီးခဲ့သည်ဟု သိရှိရသည်။ ဗဟိုကင်းတွင် စစ်တပ်၏ လက်နက်တိုက်၊ သော့ချုပ်၊ အရေးကြီးစာရွက်စာတမ်း၊ တိုင်းစစ်ဌာနချုပ်၏ အရန်လက်နက်များအပြင် ဘေးနားတွင် ခဲယမ်းများ သိုလှောင်လေ့ရှိကြောင်း သိရှိရသည်။
