ဥပဒေအရ ပါတီစည်းရုံးရေး၊ နယ်မြေစည်းရုံးရေး ဆောင်ရွက်ခွင့်ရှိသည့် နိုင်ငံတော်အကြီးအကဲ ဒေါ်အောင်ဆန်းစုကြည်က အမျိုးသားဒီမိုကရေစီအဖွဲ့ချုပ်(NLD)ပါတီ ဥက္ကဋ္ဌအနေဖြင့် နေပြည်တော်၊ ဇဗ္ဗူသီရိမြို့နယ်၊ ရွှေကြာပင်ရပ်ကွက်ရှိ ပါတီဝင်အချို့၏နေအိမ်သို့ ယနေ့ညနေပိုင်းက သွားရောက်ခဲ့ခြင်းဖြစ်သည်။ ဒေါ်အောင်ဆန်းစုကြည်နှင့်အတူလိုက်ပါလာသည့် နိုင်ငံတော်သမ္မတဟောင်း ဦးထင်ကျော်ကို No Vote ဟူသည့် မဲမပေးရေး ပြောဆိုချက်များအပေါ် ၎င်း၏အမြင်ကို Myanmar Now က မေးမြန်းရာတွင် “ ဘယ်ပါတီရယ်လို့ မဟုတ်ပါဘူး။ တာဝန်လည်းရှိတယ်၊ ဝတ္တရားလည်း ရှိတယ်။ (မဲ)ပေးကြစေချင်ပါတယ်။ တိုင်းပြည်အတွက်ပါ။ NLD အတွက်လည်း မဟုတ်ဘူး။ ဘယ်သူ့အတွက်မှ မဟုတ်ဘူး။ တိုင်းပြည်အတွက် အားလုံးမဲပေးကြပါ” ဟု ဖြေကြားသွားသည်။
သတင်းနှင့်ရိုက်ကူး – မင်းမင်း/Myanmar Now
[youtube https://youtu.be/JO9sVfvUSzo]
