အခုတလော အဆက်မပြတ်ထွက်နေတဲ့ စာအုပ်တွေထဲမှာ “ရှူးတိုးတိုး” လို့ အမည်ပေးထားတဲ့ စာအုပ်လည်း ပါဝင်ပါတယ်။ ဒါက စာမဲ့ကာတွန်းတွေကို စုစည်းထားတဲ့စာအုပ် ဖြစ်ပါတယ်။
မြန်မာပြည် ကာတွန်းဆရာပေါင်းစုံရဲ့ စာမဲ့ကာတွန်းပေါင်း ၂ဝဝ နီးပါးကို ဒီစာအုပ်မှာ တွေ့ရမှာပါ။
စာမဲ့ကာတွန်းသဘာဝအတိုင်း ကြည့်ပြီးရင် တွေးစရာ၊ ပြုံးစရာဖြစ်ပြီး ကျန်ရစ်မှာ သေချာပါတယ်။
ပြုံးစေချင်တဲ့စေတနာအပြည့်နဲ့ ဆွဲထားတယ်လို့ ယူဆရတဲ့ ကာတွန်းများ ပါဝင်သလို နေ့စဉ်လူမှုဘဝ၊ ပဋိပက္ခ၊ သတင်းမီဒီယာ၊ ပညာရေး၊ တရားစီရင်ရေး၊ စီးပွားရေး၊ နိုင်ငံရေး၊ ပတ်ဝန်းကျင်ထိန်းသိမ်းရေး အစရှိတဲ့ အကြောင်းအရာတွေကို ဝေဖန် သရော်တဲ့ ကာတွန်းတွေလည်း ပါဝင်ပါတယ်။
မထင်ရှားတဲ့ ကာတွန်းသမားများ၊ နာမည်ရကာတွန်းသမားများရဲ့ လက်ရာအများအပြားကို တစုတဝေးတည်း တွေ့ရမှာပါ။
ဒီစာအုပ်ကြည့်ပြီး ရရှိတဲ့ အချက်တွေထဲမှာ ကာတွန်းတွေက ရယ်စရာတွေကို သယ်ဆောင်လာသလို မောစရာတွေလည်း သယ်လာတတ်တယ် ဆိုတဲ့ အချက်လည်း ပါဝင်ပါလိမ့်မယ်။ ။