ဗုဒ္ဓဘာသာကိုးကွယ်သူ ဗမာအများစု နေထိုင်ကြပြီး စစ်ဗိုလ်၊ စစ်သား အများဆုံး ထွက်ခဲ့သော မြန်မာပြည်အလယ်ပိုင်းရှိ အညာဒေသခံများ၏ နေအိမ်များ ထောင်းလမောင်းကြေအောင် မီးရှို့ ဖျက်ဆီးခံနေရသည်။
စစ်သားများကို အားကျခဲ့ပြီး ကိုယ့်ရင်သွေး ကြီးလာလျှင်ပင် စစ်သားကြီး ဖြစ်စေချင်ခဲ့ကြသည့် အညာသူ၊ အညာသားများသည် ယခုအခါ စစ်သားဆိုလျှင် ‘မကောင်းဆိုးဝါး’ ကဲ့သို့ ရွံရှာမုန်းတီးသွားကြပြီ ဖြစ်သည်။
စစ်ကိုင်းတိုင်း၊ မြောင်မြို့နယ်ရှိ နနွင်းကိုင်း၊ ဆူးလေကုန်း၊ ရွှေတချောင်း၊ သူဌေးကုန်း၊ မြစ်သာ၊ ဆင်လှောင်၊ မြစ်ဆုံ၊ ပရိမ္မနှင့် နဂါးပေါက် စုစုပေါင်း ရွာ ၉ရွာကို နိုဝင်ဘာ ၇ရက်မှ ၁၅ရက်အထိ စစ်ကောင်စီတပ်ဖွဲ့ဝင်များ ဝင်ရောက်စီးနင်းပြီး နေအိမ်များကို မီးရှို့သဖြင့် အိမ်ခြေ ၁၀၀၀ ကျော် ပြာကျခဲ့ရသည်။
စိုက်ပျိုးရေးလုပ်ငန်းတစ်ခုတည်းကိုသာ အဓိကလုပ်ကိုင်ကြသည့် ထိုဒေသခံများသည် ယခုအခါ မီးလောင်ပြင်ထဲတွင် ယာယီတဲထိုးကာ ဖြစ်သလို နေထိုင်နေကြရသည်။
အိမ်ခြေ ၅၀၀ ကျော်အနက် နေအိမ်ပေါင်း ၄၀၀ခန့် မီးရှို့ခံရသည့် မြစ်ဆုံရွာ ဒေသခံများကို တွေ့ဆုံမေးမြန်းထားသည်။
(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်)
[youtube https://www.youtube.com/watch?v=xvEIzRC-jTc&t=166s]
