ပြည်တွင်း၊ ပြည်ပတွင် ပြိုင်ပွဲပေါင်း ရာနှင့်ချီ ထိုးသတ်ခဲ့သည့် နိုင်ငံ့လက်ရွေးစင် ရိုးရာလက်ဝှေ့ကစားသမားတစ်ဦးသည် ဆယ်စုနှစ်တစ်ခုကြာ ကျင်လည်ခဲ့သည့် လက်ဝှေ့ကြိုးဝိုင်းကို စစ်ကောင်စီကြောင့် စွန့်ခွာခဲ့သည်။
ကြိုးဝိုင်းအတွင်း ဒဏ်ရာမျိုးစုံရခဲ့ဖူးသည့် နိုင်ငံ့ဂုဏ်ဆောင် လက်ဝှေ့သမားသည် တော်လှန်ရေးသမားဘဝ ရှေ့တန်းစစ်မြေပြင်တွင် သေလောက်သည့်ဒဏ်ရာ ရခဲ့သော်လည်း စစ်အာဏာရှင် အမြစ်ပြတ်သည်အထိ ဆက်လက် တိုက်ပွဲဝင်မည်ဟု ဆိုသည်။
ပြိုင်ပွဲပေါင်း ၁၀၀ကျော်အနက် ရှုံးပွဲ ၂၀ခန့်သာ ရှိခဲ့ပြီး တောင်ကိုရီးယား၊ ဂျပန်၊ တရုတ်နှင့် ထိုင်းနိုင်ငံတို့တွင် နိုင်ငံ့ကိုယ်စားပြု သွားရောက်ယှဉ်ပြိုင်ရာတွင်လည်း အောင်ပွဲများရရှိခဲ့သူ အသက် ၃၂နှစ်အရွယ် လေးညှို့ရှင်(ခ) ရှမ်းကို သည် လက်ရှိတွင် အမျိုးသားညီညွတ်ရေးအစိုးရ NUG ကွပ်ကဲမှုအောက်ရှိ ကျားဖြူတပ်ခွဲ-၄ တွင် တာဝန်ထမ်းဆောင်လျက် ရှိသည်။
[youtube https://youtu.be/unAO0A4uWeE]
