လူသူကင်းမဲ့နေတဲ့ စစ်ကောင်စီသင်္ကြန် အကြိုနေ့

အာဏာသိမ်းပြီး ပြည်သူထောင်ချီ ဖမ်းဆီးသတ်ဖြတ်နေသည့် စစ်ကောင်စီသည် တိုင်းပြည်တည်ငြိမ်နေကြောင်း ပြသနိုင်ရန်အတွက် သင်္ကြန်ပွဲတော်ကို စည်ကားအောင် ကြိုးစားလုပ်ဆောင်ခဲ့သော်လည်း မအောင်မြင်ကြောင်းတွေ့ရပါသည်။ ယနေ့ဧပြီ ၁၃ ရက်နေ့ သင်္ကြန်အကြိုနေ့တွင် ရန်ကုန်အပါအဝင် နိုင်ငံတစ်ဝန်းရှိ မြို့ရွာများတွင် အသံတိတ်သပိတ်ဆင်နွှဲစဉ်ကလို လူသူကင်းရှင်းနေသည်ကိုတွေ့ရပါသည်။

ပြီးခဲ့သည့် ၂၀၂၀ ခုနှစ် NLD အစိုးရလက်ထက်က ကိုဗစ်ရောဂါအခြေအနေများကြောင့် သင်္ကြန်ပွဲတော်မလုပ်ဖြစ်ခဲ့သလို မနှစ် ၂၀၂၁ ခုနှစ်တွင်လည်း စစ်တပ်က အာဏာသိမ်းခဲ့သည့်အတွက် သင်္ကြန်ပွဲတော်မလုပ်ဖြစ်ခဲ့ပေ။ ဒီနှစ် ၂၀၂၂ ခုနှစ်တွင် စစ်ကောင်စီက သင်္ကြန်ပွဲတော်လုပ်သော်လည်း ပြည်သူများက သင်္ကြန်ပွဲတော်ကို ပါဝင်ဆင်နွှဲခြင်း မရှိသဖြင့် သင်္ကြန်ပွဲတော်ကို မဆင်နွှဲနိုင်တာ ၃ နှစ်ရှိနေပြီဖြစ်သည်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)