ဖေဖော်ဝါရီ ၉ ရက်နေ့က ဖမ်းဆီးခံခဲ့ရသည့် မန္တလေးမြို့က သပိတ်ခေါင်းဆောင်များနှင့် ပတ်သက်ပြီး ယနေ့အထိ အဆက်အသွယ်မရရှိသည့်အတွက် ဖမ်းဆီးခံရသူများ၏ အသက်အန္တရာယ်နှင့် ပတ်သက်ပြီး မိသားစုဝင်များနှင့် မန္တလေးမြို့သပိတ်အင်အားစုများက စိုးရိမ်နေကြပါသည်။
မန္တလေးမြို့ပေါ်တွင် ပြောက်ကျားဆန္ဒပြပွဲများကို ဦးဆောင်ပြုလုပ်နေသူများဖြစ်သည့် ကိုသူရအောင်၊ ကိုဖိုးလုံး(ခ) ကိုရဲဇင်ထွန်း၊ ကိုစိုးလင်းအောင်နှင့် ကိုလှမျိုးအောင်တို့ လေးယောက်ကို ဖေဖော်ဝါရီ ၉ ရက်နေ့ ညနေပိုင်းတွင် သူတို့ပုန်းခိုနေထိုင်သည့်အိမ်၌ စစ်ကောင်စီတပ်ဖွဲ့ဝင်များက အရပ်ဝတ်နှင့် ဝင်ရောက်ရှာဖွေဖမ်းဆီးခဲ့ပြီး ဖမ်းဆီးချိန်တွင်လည်း ရိုက်နှက်ခံရမှုများရှိသဖြင့် ယခုလို စိုးရိမ်နေကြခြင်းဖြစ်သည်။
(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)
[youtube https://youtu.be/RydEXhaPuHM]
