“ကျနော်တို့ ညီအကိုနှစ်ယောက်က သူဦးသူပစ် ကိုယ်ဦးကိုယ်ပစ်ပဲ” CDM ရဲတပ်သား

မုံရွာတက္ကသိုလ်မှ ဥပဒေဘွဲ့ရရှိခဲ့သူ ကိုဖြိုးဝေဇင်သည် အမှတ် (၃) ရဲလေ့ကျင့်ရေးသင်တန်းကျောင်း (စစ်ကိုင်း) တက်နေစဉ် အာဏာသိမ်းမှုနှင့် ကြုံတွေ့ခဲ့ရသူဖြစ်သည်။ ရန်ကုန်မြို့၌ ခဏတာ လုံခြုံရေးတာဝန်ထမ်းဆောင်ခဲ့ရပြီးနောက်တွင် CDM ပြုလုပ်ကာ စစ်ကိုင်းတိုင်း မြောင်မြို့နယ်ပြည်သူ့လုံခြုံရေးနှင့် ကာကွယ်ရေး (CDSOM) အဖွဲ့သို့ ဝင်ရောက်ပြီး စစ်ကောင်စီကို ပြန်လည်တိုက်ခိုက်နေပြီဖြစ်သည်။

ကိုဖြိုးဝေဇင်၏ အကိုဖြစ်သူသည် စစ်ကောင်စီလက်အောက်တွင် တာဝန်ထမ်းဆောင်နေဆဲ ရဲတပ်သားတစ်ဦးဖြစ်ပြီး ညီဖြစ်သူကို ရဲတပ်ဖွဲ့သို့ ပြန်လည်ဝင်ရောက်ရန် ပြောဆိုစည်းရုံးခဲ့သည်။ အကို၏စည်းရုံးမှုကို ကိုဖြိုးဝေဇင်က လက်မခံခဲ့သလို ခံယူချက်ချင်း မတူညီတော့သဖြင့် ညီအကိုဖြစ်သော်လည်း “သူဦးသူပစ် ကိုယ်ဦးကိုယ်ပစ်” ဟု ၎င်းက ပြောဆိုခဲ့သည်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)