လေယာဉ်ဖြင့် ဗုံးကြဲခံရသည့် လေးကေ့ကော်တွင် တိုက်ပွဲဆက်ဖြစ်နေ

လေကြောင်းမှ ဗုံးကြဲခံရသည့် ကရင်ပြည်နယ်၊ မြဝတီမြို့နယ်၊ လေးကေ့ကော်မြို့သစ်အနောက်ဘက် တစ်မိုင်အကွာ ကျောက်ဂူရွာ၊ အရှေ့ဘက် နာရီဝက်ခရီးတွင်ရှိသည့် မင်းလက်ပံရွာတို့တွင် ကရင်အမျိုးသားလွတ်မြောက်ရေးတပ်မတော် (KNLA) နှင့် စစ်ကောင်စီတပ်တို့အကြား ယနေ့ (ဒီဇင်ဘာ ၂၄) နံနက် ၁၁ နာရီမှ တိုက်ပွဲဖြစ်ပွားလျက်ရှိသည်။

ဒီဇင်ဘာလကုန်ပိုင်းဖြစ်သော်လည်း စစ်ဘေးရှောင်များသည် တိုက်ပွဲကြောင့် ခရစ္စမတ်အစီအစဉ်များတွင် ပါဝင်နိုင်မည်မဟုတ်ဟု KNU မှ ပဒိုစောတောနီးက ပြောသည်။

အာဏာသိမ်းစစ်ဗိုလ်ချုပ်ကြီးများ မြန်မာနိုင်ငံကက်သလစ်ခရစ်ယာန်ဂိုဏ်းချုပ်ဆရာတော် ချားဘို၏ ခရစ္စမတ်ဆုတောင်းပွဲတက်ရောက်မှုကို မျက်နှာဖုံးတင်ဖော်ပြသည့် ဝါဒဖြန့်သတင်းစာများတွင်မူ ပြည်သူများထွက်ပြေးကြရသည့် မြတတီမြို့အတွင်း စစ်ဆင်နေခြင်းသတင်းကို ဖော်ပြထားခြင်း မရှိပေ။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)