တန်ဆောင်မုန်းလပြည့်နေ့ ရွှေတိဂုံဘုရားနှင့် အနီးတစ်ဝိုက်မြင်ကွင်းများ

တန်ဆောင်မုန်းလပြည့်နေ့ဖြစ်သော ယနေ့ (နိုဝင်ဘာ ၁၈) နံနက်ပိုင်းက ရန်ကုန်မြို့ရှိ ရွှေတိဂုံစေတီတော်ဘုရားရင်ပြင်နှင့် အနီးတစ်ဝိုက်မြင်ကွင်းပုံများဖြစ်သည်။

ဗုဒ္ဓဘာသာဝင်များ၏ အခါကြီးရက်ကြီးတစ်ခုဖြစ်သော တန်ဆောင်မုန်းလပြည့်နေ့တွင် အထင်ကရ ရွှေတိဂုံစေတီတော်သို့ ဘုရားဖူးအများအပြားလာရောက်သည်ကို ယနေ့ တွေ့ရသည်။

ကိုဗစ်နိုင်တင်း(Covid-19) ကပ်ရောဂါ ကျရောက်မှုနှင့် အာဏာသိမ်းမှုဖြစ်စဉ်ကြောင့် ပြည်သူအများစုမှာ နေအိမ်၌သာ လပေါင်းများစွာ နေထိုင်ခဲ့ရသည်။

စစ်တပ်က အာဏာသိမ်းယူခဲ့သည်မှာ ကိုးလခွဲကျော် ရှိပြီဖြစ်ပြီး စစ်ကောင်စီလက်ချက်ဖြင့် အရပ်သားပြည်သူ ၁၀၀၀ ကျော် သေဆုံးခဲ့ရကာ ဖမ်းဆီးထိန်းသိမ်းခံရသူ သောင်းဂဏန်းမျှ ရှိသည်။

အာဏာသိမ်းစစ်ကောင်စီကို ခုခံတော်လှန်မှုများ ပြင်းထန်လျက်ရှိရာ တိုင်းရင်းသားလက်နက်ကိုင်အဖွဲ့အစည်းများရှိသည့် ဒေသများအပါအဝင် ဒေသအချို့တွင် စစ်တပ်နှင့် ဒေသခံပြည်သူ့ကာကွယ်ရေးတပ်ဖွဲ့များ အပြင်းအထန်တိုက်ပွဲဖြစ်ပွားနေသည်။

(လွတ်လပ်တဲ့ မီဒီယာအဖြစ် မြန်မာနိုင်ငံမှာ ရေရှည်ရပ်တည်နိုင်ရေးအတွက် သင်တို့အကူအညီကို လိုအပ်နေပါတယ်။ ဒီနေရာကိုနှိပ်၍ လှူဒါန်းနိုင်ပါတယ်။)