စစ်ကိုင်းတိုင်း ဒီပဲယင်းမြို့နယ် ဆပ်ပြာကျင်းကျေးရွာတွင် ဇူလိုင် ၂ ရက်က စစ်ကောင်စီတပ်ဖွဲ့ဝင်များနှင့် ဒေသခံ ပြည်သူ့ကာကွယ်ရေးအဖွဲ့ (PDF)တို့ အပြန်အလှန် ပစ်ခတ်မှုဖြစ်ပွားခဲ့ရာ ဒေသခံ ၃၀ ကျော် သေဆုံးခဲ့သည်ဟု သိရသည်။ ဒေသခံ PDF အဖွဲ့၏ ထုတ်ပြန်ချက်အရ ဆပ်ပြာကျင်းကျေးရွာအနီးတွင် ဇူလိုင် ၂ ရက် နံနက်ခင်းနှင့် ညနေပိုင်းတွင် တိုက်ပွဲနှစ်ကြိမ်ဖြစ်ပွားခဲ့ရာ စစ်ကောင်စီတပ်က အင်အားအလုံးအရင်းဖြင့် လက်နက်ကြီးများပါ အသုံးပြုတိုက်ခဲ့သည်ဟု သိရသည်။
အပြန်အလှန်ပစ်ခတ်မှုအတွင်း သေဆုံးခဲ့သူ ၃၁ ဦး၏ ရုပ်အလောင်းများကို ကောက်ယူရရှိထားပြီး သေဆုံးသူများတွင် PDF အဖွဲ့ဝင်များသာမက ဒေသခံ အရပ်သားပြည်သူများလည်း ပါဝင်ကြောင်း ဒေသခံတစ်ဦးက ယနေ့ (ဇူလိုင် ၄) ညနေပိုင်းတွင် Myanmar Now ကို ပြောသည်။
[youtube https://youtu.be/OtoYTm0D5II]
