အာဏာသိမ်းစစ်ကောင်စီ၏ ကန့်သတ်မှုများကြောင့် ပြည်သူများသည် ATM စက်များတွင် ငွေထုတ်ယူနိုင်ရန်အတွက် လူစုလူဝေးဖြင့် တန်းစီစောင့်စားနေရပါသည်။ ကိုဗစ်နိုင်တင်းရောဂါ ကူးစက်မှုနှုန်းမြင့်တက်နေသည့်အချိန်တွင် ယခုလိုလူစုလူဝေးများ ရှိနေခြင်းသည် အန္တရာယ်များကြောင်း ကျန်းမာရေးပညာရှင်များက သုံးသပ်ထားပါသည်။
အာဏာသိမ်းစစ်ကောင်စီအနေဖြင့် ကိုဗစ်နိုင်တင်းရောဂါကို ထိန်းချုပ်နိုင်ရန်ထက် ဘဏ်တွေဆီက ငွေအလွယ်တကူ ထုတ်ယူသုံးစွဲခွင့်မရအောင် ထိန်းချုပ်ထားသည့် ၎င်းတို့၏မူဝါဒကို ပြောင်းလဲရန်အခြေအနေမရှိသဖြင့် ပြည်သူလူထုအနေဖြင့် စားဝတ်နေရေးကိစ္စအတွက် လိုအပ်သည့်ငွေကြေးကို ထုတ်ယူရန်လိုသလို အခြားတစ်ဖက်တွင်လည်း ကိုဗစ်နိုင်တင်းရောဂါကို ကာကွယ်ရန်လိုအပ်ကြောင်း ကျန်းမာရေးပညာရှင်များက ဆိုသည်။
[youtube https://youtu.be/mM1-pw9u_OU]
