ရုရှားတပ်တွေက ယူကရိန်းကို ၂၀၂၂ ခုနှစ်၊ ဖေဖော်ဝါရီလ ၂၄ ရက်မှာ စတင်ကျူးကျော်ခဲ့တာဟာ ဒီနေ့မှာဆိုရင် ၄ နှစ်တင်းတင်းပြည့်ပြီဖြစ်ပေမယ့် အခုထိတော့ တိုက်ခိုက်မှုတွေ ရပ်တန့်မယ့် အရိပ်အယောင် မတွေ့ရသေးပါဘူး။
ပြီးခဲ့တဲ့ ၂၀၁၄ ခုနှစ် ဖေဖော်ဝါရီလမှာ ပထမအကြိမ် ဝင်ရောက်တိုက်ခိုက်ခဲ့တုန်းက ယူကရိန်းပိုင် ခရိုင်းမီးယားကျွန်းဆွယ်ကို သိမ်းပိုက်ပြီး သူတို့ရဲ့နယ်မြေအဖြစ် တရားမဝင် သတ်မှတ်ခဲ့ပါတယ်။
နိုင်ငံတကာက အပစ်အခတ်ရပ်စဲရေးအတွက် အကြိမ်ကြိမ် ကြိုးစားခဲ့ကြပြီး၊ အခုနောက်ဆုံးမှာတော့ အမေရိကန်သမ္မတ ဒေါ်နယ်ထရမ့်ရဲ့ ကြားဝင်ကူညီပေးမှုနဲ့ ကြိုးပမ်းနေပေမဲ့ လက်ရှိအချိန်ထိ စစ်ပွဲပြီးဆုံးမယ့် အရိပ်အယောင်ကတော့ မမြင်ရသေးပါဘူး။
၄ နှစ်တာ စစ်ပွဲအတွင်း ရုရှားဟာ အစပိုင်းမှာ နယ်မြေအတော်များများ ရခဲ့ပေမဲ့ နောက်ပိုင်းမှာ ပြန်လည် ဆုတ်ခွာခဲ့ရတာတွေ ရှိပါတယ်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
