ရွေးကောက်ပွဲမဲထည့်ဖို့ ဖိအားပေး၊ ခြိမ်းခြောက်မှုတွေရှိနေ

ရွေးကောက်ပွဲမှာ မဲထည့်ဖို့ စစ်ကော်မရှင်လက်အောက်ခံ အဖွဲ့ဝင်တွေက ပြည်သူတွေကို ဖိအားပေးတာ ရှိသလို ခြိမ်းခြောက်တဲ့ သတင်းတွေ ဖြန့်တာလည်း ရှိနေတယ်လို့ ဒေသခံတွေက Myanmar Now ကိုပြောပါတယ်။ 

မဲလာပေးတဲ့သူ နည်းပါးတာကြောင့် ရန်ကုန်၊ နေပြည်တော်၊ ပုသိမ်၊ မုံရွာနဲ့ မြဝတီမြို့တို့မှာ စစ်ကော်မရှင်လက်အောက်ခံ အုပ်ချုပ်ရေးမှူးတွေကနေ တဆင့် မဲပေးဖို့အတွက် ဖိအားပေးပြောဆိုတာတွေ ရှိနေတာလို့ ဆိုကြပါတယ်။ 

စစ်ကိုင်းတိုင်းရဲ့ မြို့တော်ဖြစ်တဲ့ မုံရွာမှာ နေ့တစ်ပိုင်းနဲ့ ပိတ်လိုက်ရတဲ့ မဲရုံတချို့ရှိပြီး မြို့ပေါ် ဘုရားနီလမ်းဆုံ အနီးမှာလည်း အုပ်ချုပ်ရေးအဖွဲ့ဝင်တွေက မဲစာရင်းနံပါတ်တွေ ပြောခိုင်းကာ မဲမပေးဘူးဆိုရင် ဖိအားပေး ရိုက်နှက်တာတွေရှိတယ်လို့ မုံရွာမြို့ခံ က ပြောပါတယ်။ 

ရိုက်ကူး – မြတ်ကြီး၊ကိုလှိုင်း /  တင်ဆက် – သဇင်လှိုင်

Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။