အာရက္ခတပ်တော် (AA) သိမ်းပိုက်၊ ထိန်းချုပ်ထားတဲ့ ရခိုင်ပြည်နယ်၊ ရှေးဟောင်းယဉ်ကျေးမှု မြို့တော် မြောက်ဦးက ဆေးရုံကြီးကို ဒီဇင်ဘာလ ၁၀ရက်နေ့၊ ည ၉ နာရီကျော်မှာ အာဏာသိမ်းစစ်တပ်က လေကြောင်းကနေ ဗုံးကြဲတိုက်ခိုက်ခဲ့တာကြောင့် လူ ၃၃ ဦး သေဆုံးပြီး ၇၆ ဦး ဒဏ်ရာရခဲ့ပါတယ်။
ဒီဇင်ဘာလ ၁၁ ရက်နေ့၊ မနက်အထိ ရရှိတဲ့ စာရင်းတွေအရ အမျိုးသား ၁၆ဦး၊ အမျိုးသမီး ၁၇ ဦး သေဆုံးပြီး ၊ ဒဏ်ရာရသူ ၇၆ ဦးမှာ ၂၇ ဦး ဒဏ်ရာပြင်းထန်တာကြောင့် သေဆုံးသူအရေအတွက် ထပ်တိုးလာနိုင်တယ်လို့ ဒေသခံတွေဆီကနေ သိရပါတယ်။
မြန်မာစစ်တပ်ရဲ့ လေကြောင်းဗုံးကြဲမှုတွေနဲ့ လူ့အခွင့်အရေးချိုးဖောက်မှုတွေ ဆက်ရှိနေတာကို စိုးရိမ်တဲ့အကြောင်း နိုင်ငံတကာသံရုံးတချို့က ကြေညာချက်အသီးသီးထုတ်ပြန်တဲ့ လူ့အခွင့်အရေးနေ့မှာပဲ လူအစုလိုက်အပြုံလိုက်သေဆုံးတဲ့ တိုက်ခိုက်မှုကို လုပ်ခဲ့တာ ဖြစ်ပါတယ်။
မြို့ခံကူညီကယ်ဆယ်ရေးသမားတစ်ယောက်ပြောပြချက်နဲ့၊ AA တုံ့ပြန်ချက်ကို ဒီရုပ်သံမှာ ကြည့်ရှုနိုင်ပါတယ်။
သတင်း – ဖဒူ ထွန်းအောင်၊ တင်ဆက် – မြတ်ကြီး
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
