လွတ်လပ်၊ မျှတမှု ကင်းမဲ့ပြီး၊ လူထုစိတ်ဝင်စားမှုအနည်းဆုံးအဖြစ် သမိုင်းဝင်မယ့် ရွေးကောက်ပွဲတစ်ခုကို စစ်တပ်ကကျင်းပဖို့ ရက်ပိုင်းသာ လိုပါတော့တယ်။
ကျင်းပဖို့ ရက်ပေါင်း ၂၀ ကျော်သာ လိုတော့ချိန်မှာ မြို့ပေါ်ရပ်ကွက်တချို့နဲ့ ကျေးရွာအုပ်စုပေါင်း ၃၀၀၀ နီးပါးမှာ ရွေးကောက်ပွဲ မကျင်းပနိုင်တော့ဘူးလို့ စစ်တပ်လက်အောက်ခံ ရွေးကောက်ပွဲကော်မရှင်က အသေးစိတ် ထပ်မံထုတ်ပြန်လာပါတယ်။
စစ်ကိုင်းတိုင်းနဲ့ မကွေးတိုင်းက ကျေးရွာအုပ်စု အများစုဟာ ရွေးကောက်ပွဲမကျင်းပနိုင်တဲ့စာရင်းထဲမှာ ထိပ်ဆုံးက ရှိနေပါတယ်။
စစ်ကိုင်းတိုင်းက မြို့နယ်ပေါင်း ၂၀ကျော်မှာ ကျေးရွာအုပ်စုပေါင်း ၈၀၀ကျော်၊ မကွေးတိုင်းက ၁၉မြို့နယ်မှာ ကျေးရွာအုပ်စုပေါင်း ၇၀၀နီးပါးနဲ့ မန္တလေးတိုင်း ၉မြို့နယ်က ကျေးရွာအုပ်စုပေါင်း ၂၀၀ကျော်မှာ ရွေးကောက်ပွဲမလုပ်နိုင်တော့ဘူးလို့ စစ်တပ်လက်အောက်ခံ ရွေးကောက်ပွဲကော်မရှင်ရဲ့ ထုတ်ပြန်ချက်ထဲမှာ တွေ့ရပါတယ်။
တကယ်တော့ အဲ့ဒီဒေသတွေမှာ တိုက်ပွဲတွေ ပြင်းထန်နေပြီး ကျေးလက်ဒေသအများစုကို တော်လှန်ရေးတပ်ဖွဲ့တွေက နယ်မြေစိုးမိုးထားတာ ဖြစ်ပါတယ်။ ဒီအခြေအနေတွေကို Myanmar Now သတင်းထောက် မသဇင်လှိုင် ပြောပြပေးပါမယ်။
ရိုက်ကူး – မြတ်ကြီး
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
