စစ်ကော်မရှင်၏ ရွေးကောက်ပွဲပြုလုပ်မည့်နယ်မြေများတွင် ပါဝင်နေသော မြန်မာပြည်မြောက်ဖျားပိုင်း ကချင်ပြည်နယ်တွင် ဗန်းမော်၊ ဝိုင်းမော်နှင့် ဖားကန့်မြို့နယ်တို့၌ တိုက်ပွဲများ ဆက်လက်ပြင်းထန်နေပြီး ဗန်းမော်ထိုးစစ်သည် အပြင်းထန်ဆုံးဖြစ်သည်ဟု ဒေသခံများနှင့် ကချင်လွတ်လပ်ရေးတပ်မတော် (KIA) ထံက သိရသည်။
၂၀၂၄ ခုနှစ် ဒီဇင်ဘာလမှ စတင်ခဲ့သည့် ဗန်းမော်မြို့သိမ်းတိုက်ပွဲသည် ယနေ့အထိ မြို့တွင်းတိုက်ပွဲငယ်များ ဆက်လက်ဖြစ်ပွားနေပြီး ပြီးခဲ့သည့်ရက်များအတွင်း KIA က စစ်ရေးအရ အရေးမကြီးသည့်နေရာအချို့မှ နောက်ဆုတ်ပေးလိုက်ရသည်ဟု ဆိုသည်။
ဗန်းမော်မြို့တွင်း အရေးကြီးနေရာများကို ပြန်လည်ထိန်းချုပ်နိုင်ရေးအတွက် ယခုလအတွင်း စစ်တပ်က မြေပြင်စစ်ကြောင်းများအပြင် လက်နက်ကြီး၊ လေကြောင်းနှင့် ဒရုန်းများကို အသုံးပြုပြီး အစွမ်းကုန် ထိုးစစ်ဆင်နေသည်ဟု KIA ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
