“စစ်တပ်ထိုးစစ်တွေနဲ့ ပတ်သက်ပြီး ဘယ်လိုပြင်ဆင်ကြမလဲဆိုတာတွေ ကို ဆွေးနွေးခဲ့ကြပါတယ်။ လက်ရှိမြေပြင်မှာလည်း အာရက္ခတပ်တော် (AA) နဲ့ ပူးပေါင်းလုပ်နေတာတွေ ရှိပါတယ်” – ဆလိုင်းယောမန်၊ ချင်းညီနောင်အဖွဲ့
၂၀၂၁ ဖေဖော်ဝါရီ ၁ စစ်တပ်အာဏာသိမ်းပြီးနောက် ပေါ်ပေါက်လာတဲ့ အင်အားကြီး တော်လှန်ရေးတပ်ဖွဲ့တွေထဲက ချင်းညီနောင်အဖွဲ့ (CB) ဟာ ဗိုလ်ချုပ်ထွန်းမြတ်နိုင် ဦးဆောင်တဲ့ အာရက္ခတပ်တော် (AA) နဲ့ အောက်တိုဘာလထဲမှာ တွေ့ဆုံဆွေးနွေးခဲ့ကြပါတယ်။
ချင်းပြည်နယ်က မတူပီ၊ မင်းတပ်၊ ကန်ပက်လက်၊ ဖလမ်းစတဲ့မြို့တွေကို စစ်တပ်လက်ထဲကနေသိမ်းထားနိုင်တဲ့ ချင်းညီနောင်နဲ့ AA တို့ကြား စစ်ရေးပူးပေါင်းချိတ်ဆက်ခဲ့ကြတာတော့ ၂၀၂၃ ခုနှစ်ကတည်းကပါ။ AA သိမ်းပိုက်ထားချုပ်ထားနိုင်တဲ့ ရခိုင်ပြည်နယ်ထဲမှာ အခု တွေ့ဆုံဆွေးနွေးမှုကိုလုပ်ခဲ့တယ်လို့ သိရပြီး မြို့ကြီးအချို့ကိုပါ ချင်းညီနောင်ခေါင်းဆောင်တွေ လေ့လာရေးသွားခဲ့ကြပါတယ်။
တွေ့ဆုံမှုတွေအတွင်း စစ်ရေးအပြင် ပြည်နယ်၂ခုကြား စီးပွားရေး၊ လူမှုရေးကိစ္စတွေကို ဆွေးနွေးတိုင်ပင်ခဲ့ကြတယ်လို့ ချင်းညီနောင် ပြောရေးဆိုခွင့်ရှိသူ ဆလိုင်းယောမာန်က Myanmar Now ကို ပြောပါတယ်။ ဆွေးနွေးမှုအခြေတွေနဲ့ပတ်သက်ပြီး ဆလိုင်းယောမန်ကို ဆက်သွယ်မေးမြန်းထားပါတယ်။
မေးမြန်း-မြတ်ကြီး/Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
