ပြီးခဲ့သည့် မတ်လအတွင်း လှုပ်ခတ်ခဲ့သည့် ငလျင်ကြောင့် ပျက်စီးသွားသော လွှတ်တော်အဆောက်အအုံများကို စက်ယန္တရားကြီးများအပါအဝင် အလုပ်သမား ထောင်နှင့်ချီသုံး၍ စစ်ကော်မရှင်က ပြင်ဆင်နေကြောင်း လွှတ်တော်ဝန်ထမ်းများနှင့် အလုပ်သမားများထံမှ စုံစမ်းသိရှိရသည်။
လွှတ်တော်ဝန်းထဲတွင် မြေတူးစက်များ၊ ကရိန်းစက်ယန္တရားကြီးများဖြင့် ပြင်ဆင်နေကြပြီး ၊ကုန်တင်ကားကြီးများဖြင့်လည်း ဆောက်လုပ်ရေးပစ္စည်းများ သယ်ဆောင်နေသည်ကို Myanmar Now က ရရှိထားသည့် ရုပ်သံဖိုင်တွင် တွေ့ရသည်။
လွှတ်တော် ဂိတ်ပေါက်ဝတွင်လည်း အလုပ်သမားရာနှင့်ချီ၍ အလုပ်ဝင်လုပ်ရန် စောင့်ဆိုင်းနေသည်ကို ထိုရုပ်သံဖိုင်တွင် တွေ့ရှိရသည်။
“တော်တော်လေးကို အင်တိုက်အားတိုက်ပြင်နေတာ၊ ငွေကလည်း မကြာဘူး၊ တန်းထုတ်ပေးတာ သူတို့တအားအရေးတကြီးမို့ ထင်တယ်”ဟု လွှတ်တော်ဝန်းထဲသို့ အဝင်အထွက်ရှိသူ ဒေသခံ အမျိုးသားတစ်ဦးက ပြောသည်။
အောင်ဇေ/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
