ကရင်နီပြည်နယ်မြို့တော် လွိုင်ကော်အနီးက တော်လှန်ရေးတပ်တွေသိမ်းပိုက်ထားတဲ့ ဒီးမော့ဆိုမြို့ကို အာဏာသိမ်းစစ်တပ်က ပြန်လည်ထိန်းချုပ်လိုက်ပါတယ်။
လွိုင်ကော်မြို့ရဲ့ အနောက်တောင်ဘက် ၉မိုင်ကျော်အကွာက ဒီးမော့ဆိုမြို့ကို အာဏာသိမ်းစစ်တပ်က စစ်ကြောင်းထိုးလာပြီး လွန်ခဲ့တဲ့ ၃ရက်လောက်က မြို့ကို ပြန်လည်ထိန်းချုပ်နိုင်ခဲ့တာလို့ သိရပါတယ်။
ကရင်နီပြည်နယ်ရဲ့ မြို့တော်လွိုင်ကော်နဲ့ ရှမ်း-ကရင်နီအစပ်က မိုးဗြဲမြို့တွေကို တော်လှန်ရေးတပ်တွေလက်ထဲကနေ ပြန်သိမ်းထားတဲ့ စစ်တပ်ဟာ အခုတော့ ဒီးမော့ဆိုမြို့ကိုပါ ဆက်လက်ထိန်းချုပ််နိုင်တာ ဖြစ်ပါတယ်။
ဒီးမော့ဆိုမြို့ကို ပြန်လည်ထိန်းချုပ်ပြီးတဲ့နောက် စစ်တပ်ဟာ ဖရူဆိုမြို့နယ်ဘက်ကို ဆက်လက်ထိုးစစ်ဆင်လာတာကြောင့် တော်လှန်ရေးတပ်တွေ ကာကွယ်နေရတယ်လို့ သိရပါတယ်။
မြို့နယ်အဆင့်ရှိတဲ့ ဒီးမော့ဆိုမြို့နယ်ဟာ လွိုင်ကော်၊ ဖရူဆို၊ ဘော်လခဲနဲ့ ရှမ်းပြည်နယ်တောင်ပိုင်း၊ ဖယ်ခုံမြို့နယ်တို့နဲ့ နယ်နိမိတ်ချင်း ထိစစ်နေတာပါ။
မြတ်ကြီး/ Myanmar Now
