ကရင်နီပြည်နယ် လွိုင်ကော်မြို့သို့ အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ရောက်ရှိနေချိန်တွင် လက်နက်ကြီးဖြင့် ပစ်ခတ်တိုက်ခိုက်ခဲ့သည်ဟု ကရင်နီအခြေစိုက် တော်လှန်ရေးတပ်ဖွဲ့များက Myanmar Now ကို ပြောသည်။ ယမန်နေ့ (စက်တင်ဘာ ၄)က လွိုင်ကော်မြို့သို့ စစ်ခေါင်းဆောင် မင်းအောင်လှိုင်ရောက်ရှိနေချိန်တွင် လက်နက်ကြီးဖြင့် ၅ ချက်ပစ်ခတ်တိုက်ခိုက်ခဲ့ပြီး ထိခိုက်မှုကို အတိအကျမသိရသေးဟု ကရင်နီအမျိုးသားများကာကွယ်ရေးတပ်- KNDF ဒုစစ်ဦးစီးချုပ် မာဝီက ပြောသည်။ “ကျွန်တော်တို့ အခုပစ်ခတ်မှုက သူတို့ရှိတဲ့နေရာတွေကို ပစ်ခတ်တာဖြစ်လို့ ခြိမ်းခြောက် မှုပေးနိုင် တာတော့ သေချာပါတယ်။ အထိအခိုက်တွေအားလုံးကတော့ အသေးစိတ်ကတော့ မသိရသေးဘူးပေါ့” ဟု ၎င်းက ပြောသည်။ သတင်း၊ တင်ဆက် – မြတ်ကြီး
