ကရင်နီ (ကယား) ပြည်နယ် ၊ ဖားဆောင်းမြို့နယ်တွင် စစ်ကောင်စီ၏ ရဟတ်ယာဉ်တစီးကို ကရင်နီတော်လှန်ရေးပူးပေါင်းတပ်များဘက်က မေလ ၆ ရက် တွင် ပစ်ချနိုင်ခဲ့သည်။ စစ်အာဏာသိမ်းပြီးနောက် တော်လှန်ရေးတပ်ဖွဲ့များက ပစ်ချ၊ ဖျက်ဆီးနိုင်ခဲ့သော စစ်ကောင်စီ၏ တိုက်လေယာဉ်၊ ရဟတ်ယာဉ် အနည်းဆုံး ၈ စီး ရှိလာသည်။ ထိုအထဲတွင် ကရင်နီတော်လှန်ရေးတပ်ဖွဲ့များက ၃ စီး ပစ်ချနိုင်ခဲ့သည်။ “ကျွန်တော်တို့က စစ်အာဏာရှင်တစ်ခုလုံးကို အပြီးအပြတ် ချေမှုန်းဖို့ လုပ်နေတာ။ ဟတ်စကီးတစ်စီးလောက်ကို ပစ်ချရုံနဲ့ ကျွန်တော်တို့က ကျေနပ်နေမှာ မဟုတ်ဘူး” ဟု ကရင်နီလူမျိုးပေါင်းစုံပြည်သူ့လွတ်မြောက်ရေးတပ်ဦး (ကလလတ) ၏ ပြောရေးဆိုခွင့်ရှိသူ ရဲဘော်လောရင်းစိုးက ပြောသည်။ တော်လှန်ရေးတပ်ဖွဲ့များ အပြည့်အဝနီးပါး နယ်မြေစိုးမိုးထားနိုင်သည့် ကရင်နီပြည်နယ်အတွင်း စစ်ကောင်စီရဟာဉ်ကို ပစ်ခတ်နိုင်ခဲ့သည့် အခြေအနေနှင့်ပတ်သက်ပြီး ရဲဘော်လောရင်းစိုးကို ဆက်သွယ်မေးမြန်းထားသည်။ မေးမြန်း – စောရယ်
