“ရခိုင်မြောက်ပိုင်းဒေသတစ်ခုလုံးကတော့ မြို့ရွာတွေအားလုံးရဲ့ ၈၀၊ ၉၀ ရာခိုင်နှုန်း ပျက်စီးသွားတယ်” ယမန်နေ့ (မေ ၁၄) က ရခိုင်ကမ်းရိုးတန်းသို့ ဖြတ်ကျော်သွားသော ‘မိုခါ’ ဆိုင်ကလုန်မုန်တိုင်းကြောင့် နေအိမ်ဆောက်အအုံများ ထိခိုက်၊ ပျက်စီးခဲ့ရသော ရခိုင်ပြည်သူများကို ကုလသမဂ္ဂအပါအဝင် နိုင်ငံတကာအနေဖြင့် ထောက်ပံ့၊ ကူညီပေးရန် ရက္ခိုင့်တပ်တော် (AA) က တောင်းဆိုလိုက်သည်။ ‘မိုခါ’ မုန်တိုင်းကြောင့် ရခိုင်ပြည်နယ်အတွင်း ထိခိုက်ပျက်စီးမှုအခြေအနေများ၊ လူသားချင်းစာနာမှုအကူအညီ လိုအပ်ချက်များ အပါအဝင် ပြန်လည်ထူထောင်ရေးလုပ်ငန်းများနှင့် ပတ်သက်ပြီး ရက္ခိုင့်တပ်တော် AA ၏ ပြောခွင့်ရသူ ခိုင်သုခကို Myanmar Now က ဆက်သွယ်မေးမြန်းထားသည်။ မေးမြန်း – ကိုချို
