မိုခါမုန်တိုင်း ဖြတ်သန်းဝင်ရောက်ချိန် မေလ ၁၄ ရက်နေ့ ညနေပိုင်းက မကွေးတိုင်း၊ စလင်းမြို့နယ်နှင့် ဆင်ဖြူကျွန်းမြို့နယ်တို့တွင် တစ်ထပ်အိမ်များ မြုပ်သည်အထိ ရေကြီးရေလျှံမှုများ ဖြစ်ပေါ်ခဲ့သည်။ မုန်တိုင်းအရှိန်ကြောင့် မိုးသည်းထန်စွာရွာသွန်းပြီး စလင်းချောင်း ရေလျှံမှုကြောင့် မြေနိမ့်ပိုင်းရှိ ဆင်ဖြူကျွန်းဒေသခံများ ဘေးလွတ်ရာသို့ တိမ်းရှောင်ကြရသည်ဟု ဒေသတွင်းအခြေစိုက် လူမှုကူညီရေးအသင်းများထံမှ သိရသည်။
