အချိန်ကြာမြင့်စွာ လျှပ်စစ်မီးပြတ်တောက်ခြင်းနှင့်အတူ သောက်သုံးရေအခက်အခဲဖြစ်နေသည့် ရန်ကုန်မြို့၊ ဒဂုံမြို့သစ်မြောက်ပိုင်းမြို့နယ်ရှိ မဟာမြိုင်အိမ်ရာမှ ယနေ့ (မတ် ၁၁) မြင်ကွင်းအချို့ ဖြစ်သည်။ အိမ်ရာအတွင်း နေထိုင်သူများအတွက် လူမှုရေးအသင်းအဖွဲ့များက သောက်သုံးရေ လာရောက်ဖြန့်ဝေပေးနေခြင်းဖြစ်သည်။
စစ်တပ်က အာဏာသိမ်းပြီး တစ်နှစ်ကျော်အကြာတွင် တစ်နိုင်ငံလုံးအတိုင်းအတာဖြင့် လျှပ်စစ်မီးပြတ်တောက်မှု ဆိုးဆိုးရွားရွားဖြစ်လာပြီး လူဦးရေအများဆုံးနေထိုင်ရာ ရန်ကုန်မြို့တွင်လည်း လျှပ်စစ်မီးနှင့်အတူ ရေပြဿနာကိုပါ ကြုံတွေ့ခံစားလာရသည်။ ကုန်ကျစရိတ်မြင့်တက်လာကာ နေ့စဉ်လူနေမှုဘဝ ခက်ခဲလာကြောင်းလည်း ရန်ကုန်မြို့နေပြည်သူများထံမှ သိရသည်။
သတင်းနှင့် ဓာတ်ပုံများ – ဝေမျိုး
