စစ်အာဏာသိမ်းပြီးနောက် မတရားဖမ်းဆီးထိန်းသိမ်းခံရသူများကို အကျဉ်းထောင်အတွင်း နေထိုင်စားသောက်မှု အဆင်ပြေစေရန်အတွက် လူငယ်တစ်စုက “ထောင်ဝင်စာပို့ကြမယ်” ဆိုသည့် အဖွဲ့တစ်ခုကို ဖွဲ့စည်းကာ စားစရာ၊အသုံးအဆောင်ပစ္စည်းနှင့် ဖတ်စရာစာအုပ်များကို ပို့ဆောင်ပေးလျက်ရှိသည်။
ထောင်ဝင်စာပို့ကြမယ်အဖွဲ့သည် အကျဉ်းထောင်ထဲရောက်နေသည့် သူတွေထဲမှ မပြေလည်သည့် မိသားစုများအတွက် ထောင်ဝင်စာပို့ပေးနိုင်အောင် အဓိကကူညီပေးနေခြင်းဖြစ်ပြီး တစ်လတွင် ၂ ကြိမ်ပို့ပေးလျက်ရှိသည်။ အစပိုင်းတွင် ရန်ကုန်အင်းစိန်ထောင်ကိုသာ ပို့ပေးနိုင်သော်လည်း ယခုလမှစ၍ တောင်ငူထောင်အပြင် မန္တလေးအိုးဘိုထောင်ကိုပါ ထောင်ဝင်စာပို့ပေးနိုင်အောင် ကြိုးစားနေကြောင်း သိရပါသည်။
[youtube https://youtu.be/5S14wI2ozo0]
