မြေစာပုံအောက်က ၉ လသားကလေးကို ဆွဲထုတ်ခဲ့ရတဲ့ မိခင်
ရခိုင်ပြည်နယ် ကျောက်တော်မြို့နဲ့ မြို့အနီးတဝိုက်ကို ဇွန်လ ၁၇ ရက်နေမှာ စစ်တပ်က လေယာဉ်တွေနဲ့ ဗုံးလာကြဲလို့ အရပ်သား ၉ ဦး သေဆုံးပြီး ၁၉ ဦး ဒဏ်ရာရခဲ့ပါတယ်။ ဗုံးပေါက်ကွဲမှုဟာ ဗုံးခိုကျင်းအနီး ကျရောက်ခဲ့တာကြောင့် ပုန်းခိုနေတဲ့ မိသားစုဝင်တွေပါ မြေစာပုံအောက် ပိတ်မိခဲ့ရပါတယ်။
အသက် ၂၉ နှစ်အရွယ် မသူမျိုးဝင်းဟာ ၉ လသားအရွယ် သူ့ကလေးနဲ့အတူ ဗုံးခိုကျင်းထဲမှာ ရှိနေခဲ့ပြီး မြေစာပုံအောက် ပိတ်မိနေတဲ့ ကလေးကို ကိုယ်တိုင် ဆွဲထုတ်ကယ်တင်ခဲ့ရပါတယ်။ “ကျွန်မ ကလေးသေပြီလို့ ထင်ခဲ့တာ” လို့ သူက ပြောဆိုခဲ့ပြီး မိခင်တစ်ယောက်ရဲ့ ကြောက်ရွံ့မှုနဲ့ နာကျင်မှုကို ဖွင့်ဟခဲ့ပါတယ်။
ဒေသခံတွေဟာ နောက်ထပ် ဗုံးကြဲတိုက်ခိုက်မှုတွေ ထပ်ဖြစ်လာမှာကို စိုးရိမ်ပြီး ဘေးလွတ်ရာနေရာတွေကို ထွက်ပြေးတိမ်းရှောင်နေကြရဆဲ ဖြစ်ပါတယ်။ စစ်တပ်ရဲ့ လေယာဉ်နဲ့ဗုံးကြဲမှုကြောင့် အရပ်သား ထိခိုက်သေဆုံးမှုတွေ ဆက်လက်မြင့်တက်နေချိန်မှာ နစ်နာသူတွေကတော့ တရားမျှတမှု ရရှိဖို့ မျှော်လင့်နေကြဆဲ ဖြစ်ပါတယ်။
ညီထွေး/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
