မိုးကုတ်နှင့် မိုးမိတ်မြို့များ ပြန်လွှဲရေးအစီအစဉ်အား လေကြောင်းရန်နှင့် တရုတ်အစိုးရ ဖိအားကြောင့် မဟာမိတ် ကိုးကန့်တပ်ဖွဲ့ (MNDAA) ၏ လားရှိုးလွှဲပြောင်းရေးအစီအစဉ်ကဲ့သို့ပင် TNLA က သဘောတူခဲ့ရသည်။
စစ်တပ်၏ အရှေ့မြောက်တိုင်း စစ်ဌာနချုပ်အား ကိုးကန့်တပ်ဖွဲ့ (MNDAA) က သိမ်းပိုက်လိုက်ချိန်တွင် ကိုးကန့်နှင့်တအာင်း တို့အပေါ် တရုတ်၏ ရာဇသံမှာ ပိုမိုပြင်းထန်ခဲ့သည်။
မိုးကုတ် မိုးမိတ်မြို့များ ပြန်လွှဲပြောင်းရေး အစီအစဉ်သည် လားရှိုးမြို့ကဲ့သို့ မလွယ်ကူနိုင်ဟု နိုင်ငံရေး အကဲခတ် များက မှတ်ချက်ပြုသည်။
မိုးမိတ်မြို့မြောက်ဘက် ၃၆ မိုင်အကွာတွင် မဘိမ်းမြို့ရှိပြီး အဆိုပါမြို့အား ၁၀၂၇ စစ်ဆင်ရေးကာလ ၂၀၂၄ ခုနှစ် ဇန်နဝါရီလတွင် ကချင်လွတ်မြောက်ရေးတပ်မတော်( KIA)၊ အာရက္ခတပ်တော် (AA)၊ ကျောင်းသားတပ် (ABSDF)၊ KPDF ၊ ပူးပေါင်းတပ်ဖွဲ့များက သိမ်းပိုက်ထားသည်။
မိုးကုတ်မြို့သည် ကမ္ဘာကျော် ပတ္တမြားနှင့် အဖိုးတန်ကျောက်များ ထွက်ရှိပြီး မိုးမိတ်မြို့သည် ရွှေ၊ စိန်နှင့် ကျွန်းသစ် များ အဓိကထွက်သည်။ ယူရေနီယမ် သတ္တုကြောများလည်းရှိသည်ဟု ဒေသခံများထံမှ သိရသည်။
ကျော်ဇင်ဝင်း/ Myanmar Now
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် https://myanmar-now.org/mm/members/ တွင် ကူညီနိုင်ပါသည်။
