ကယားပြည်နယ် ဖရူဆိုမြို့နယ် မိုဆိုကျေးရွာတွင် စစ်ကောင်စီတပ်ဖွဲ့ဝင်များကဒီဇင်ဘာ ၂၄ ရက်နေ့တွင် အပစ်မဲ့ပြည်သူများကို မီးရှို့သတ်ဖြတ်ခဲ့ပြီး မီးရှို့ခံရသူများသည် သာမန်အရပ်သားပြည်သူများဖြစ်ကာ ခရီးသွားအချို့လည်းပါဝင်နေပါသည်။
မီးရှို့အသတ်ခံရသူ အများစုဟာ ဒေသခံများဖြစ်ပြီး လက်နက်ကိုင်ဆောင်ထားခြင်းမရှိသလလို နေ့စဉ် ခြံလုပ်၊ ဝါးခုတ်၊ နွားကျောင်းသွားနေသူများဖြစ်ကြောင်းကျန်ရစ်သူ မိသားစုဝင်များက ဆိုသည်။
မီးရှို့ခံထားရသည့် ရုပ်အလောင်း ၃၀ ကျော် တွေ့ရှိပြီးနောက် Save the Children Myanmar က ၎င်းတို့ဝန်ထမ်းနှစ်ဦး ပျောက်ဆုံးနေကြောင်း ထုတ်ပြန်ထားပြီး လွိုင်ကော်မြို့ရှိ စက်သုံးဆီဆိုင်မှ အမျိုးသားရှစ်ဦးနှင့် အခြားဒေသခံသုံးဦးမှာလည်း ခရီးသွားလာရင်း ပျောက်ဆုံးနေကြောင်း မိသားစုဝင်များထံမှ သိရသည်။
(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာ တွင် https://www.userroll.com/site/register/m1f6pen နှိပ်၍ လှူဒါန်းနိုင်ပါသည်။)
